ಕಾಶ್ಮೀರ ಕ್ರೀಡಾಪಟುಗಳಿಗೆ ಮನೆಯೇ ಅಭ್ಯಾಸ ಶಾಲೆ

ಶ್ರೀನಗರ: ಕೋವಿಡ್‌-19 ಮಹಾಮಾರಿಯನ್ನು ಹೋಗಲಾಡಿಸುವ ಸಲುವಾಗಿ ದೇಶಾದ್ಯಂತ ಹೇರಿರುವ ಲಾಕ್‌ಡೌನ್‌ನಿಂದ ಕಾಶ್ಮೀರದ ಕ್ರೀಡಾಪಟುಗಳು ತಮ್ಮ ಮನೆಯನ್ನೇ ಅಭ್ಯಾಸ ಶಾಲೆಯಾಗಿ ಮಾರ್ಪಡಿಸಿಕೊಂಡಿದ್ದಾರೆ.

ಹೌದು, ರಾಷ್ಟ್ರೀಯ ಕ್ರೀಡಾಪಟುಗಳು ತಮ್ಮ ಮನೆಯಲ್ಲಿನ ಕೆಲ ಸಲಕರಣೆಗಳನ್ನು ಬಳಸಿಕೊಂಡು ಅಭ್ಯಾಸ ನಿರತ ರಾಗಿದ್ದಾರೆ. ನಮಗೆ ಇದೇನು ಕಷ್ಟದ ವಾತಾವರಣವಾಗಿ ತೋರುವುದಿಲ್ಲ. ಕಾರಣ ನಾವು ಮನೆಯಲ್ಲಿಯೇ ಅಭ್ಯಾಸ ಮಾಡಬೇಕಾಗಿರುವುದು ಇದೇನು ಮೊದಲ ಬಾರಿ ಅಲ್ಲ ಈ ಹಿಂದೆಯೂ ಕೆಲ ರಾಜಕೀಯ ಬಿಕ್ಕಟಿನ ಪರಿಸ್ಥಿತಿಯಲ್ಲಿ ನಾವು ಇಂತಹ ಸವಾಲನ್ನು ಎದುರಿಸಿದ್ದೇವೆ ಎಂದು ಈ ಕ್ರೀಡಾಪಟುಗಳು ಹೇಳಿದ್ದಾರೆ. ಆದಷ್ಟೂ ಬೇಗ ಈ ವೈರಸ್‌ ವಿಶ್ವದಿಂದ ತೊಲಗಿ ಮತ್ತೆ ಜನಜೀವನ ಮೊದಲಿನಂತಾಗಲಿ ಎಂದು ಕ್ರೀಡಾಪಟುಗಳು ಹಾರೈಸಿದ್ದಾರೆ.