1.25 ಕೋ. ರೂ. ಮೌಲ್ಯದ ಚಿನ್ನ ಸಹಿತ ಇಬ್ಬರು ವಶಕ್ಕೆ

ಕಾಸರಗೋಡು: ಕಣ್ಣೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್‌ ತಂಡ ನಡೆಸಿದ ಕಾರ್ಯಾಚರಣೆಯಲ್ಲಿ ವಿದೇಶದಿಂದ ಅಕ್ರಮವಾಗಿ ತರಲಾಗಿದ್ದ 1.25 ಕೋಟಿ ರೂ. ಮೌಲ್ಯದ ಚಿನ್ನವನ್ನು ವಶಪಡಿಸಿಕೊಂಡಿದ್ದು, ಈ ಸಂಬಂಧ ಇಬ್ಬರನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸಲಾಗುತ್ತಿದೆ.

ಅಬುಧಾಬಿಯಿಂದ ಬಂದಿಳಿದ ಪೆರಿಯಾದ ಮೊಹಮ್ಮದ್‌ ಮುಸ್ತಫಾನ ಬ್ಯಾಗನ್ನು ಕಸ್ಟಮ್ಸ್‌ ತಂಡ ತಪಾಸಣೆ ನಡೆಸಿದಾಗ ಅದರೊಳಗಿದ್ದ ಮೈಕ್ರೊ ಓವನ್‌ನೊಳಗೆ ಬಚ್ಚಿಡಲಾಗಿದ್ದ 690 ಗ್ರಾಂ ಹಾಗೂ ಪೌಡರ್‌ ಟಿನ್‌ನೊಳಗೆ ಬಚ್ಚಿಡಲಾಗಿದ್ದ 59 ಗ್ರಾಂ ಚಿನ್ನವನ್ನು ಪತ್ತೆಹಚ್ಚಲಾಯಿತು. ಇದರ ಒಟ್ಟು ಮೌಲ್ಯ 43,20,500 ರೂ. ಆಗಿದೆ ಎಂದು ಕಸ್ಟಂಸ್‌ ದಳ ತಿಳಿಸಿದೆ.

ಜತೆಗೆ, ಅಬುಧಾಬಿಯಿಂದ ಬಂದಿಳಿದ ನಾದಾಪುರದ ಅಬ್ದುಲ್‌ ಹಕೀಂ ಎಂಬಾತನ ಬ್ಯಾಗ್‌ನಲ್ಲೂ ಮೈಕ್ರೋ ಓವನ್‌ನಲ್ಲಿ ಬಚ್ಚಿಡಲಾಗಿದ್ದ 84,24,000 ರೂ. ಮೌಲ್ಯದ 1,548 ಗ್ರಾಂ ಚಿನ್ನವನ್ನು ಪತ್ತೆಹಚ್ಚಿ ವಶಪಡಿಸಲಾಗಿದೆ.