Kasaragod: ಗಾಯಕಿಯ ಮಾನಭಂಗ ದೂರು: ಗಾಯಕ ರಿಯಾಸ್‌ ಬಂಧನ

ಕಾಸರಗೋಡು: ಗಾಯಕಿಯ ಮಾನಭಂಗ ನಡೆಸಿರುವುದಾಗಿ ನೀಡಿದ ದೂರಿನಂತೆ ಮಾಪಿಳಪ್ಪಾಟು ಗಾಯಕ ಆಲಂಪಾಡಿಯ ರಿಯಾಸ್‌ ಯಾನೆ ಪಟ್ಟುರುಮಾಲ್‌ ರಿಯಾಸ್‌ನನ್ನು ಚಿತ್ತಾರಿಕ್ಕಲ್‌ ಪೊಲೀಸರು ಬಂಧಿಸಿದ್ದಾರೆ.

26ರ ಹರೆಯದ ಮಹಿಳೆ ನೀಡಿದ ದೂರಿನಂತೆ ಬಂಧಿಸಲಾಗಿದೆ. ಇವರಿಬ್ಬರೂ ವಿವಾಹ ಸಮಾರಂಭಗಳಲ್ಲಿ ಗಾನ ಮೇಳ ಪ್ರಸ್ತುತ ಪಡಿಸುತ್ತಿದ್ದರು. ಈ ರೀತಿ ತೆರಳುತ್ತಿದ್ದಾಗ ರಿಯಾಸ್‌ ತನ್ನನ್ನು ಮಾನಭಂಗಪಡಿಸಿದ್ದಾಗಿ ದೂರು ನೀಡಿದ್ದರು. ವಿಷಯ ಬಹಿರಂಗಪಡಿಸದಿರಲು ಹಣ ನೀಡಬೇಕೆಂದು ಬೆದರಿಕೆಯೊಡ್ಡಿರುವುದಾಗಿ ದೂರಿನಲ್ಲಿ ತಿಳಿಸಲಾಗಿದೆ.