Kasaragod ಗಾಂಜಾ ಸಾಗಾಟ: ತಲೆಮರೆಸಿಕೊಂಡಿದ್ದ ಮಹಿಳೆ ಮತ್ತೆ ಗಾಂಜಾ ಸಹಿತ ಬಂಧನ

ಕಾಸರಗೋಡು: ಕಳೆದ ವರ್ಷ ಕಾಸರಗೋಡು ಅಬಕಾರಿ ದಳ ಅಡ್ಕ ಪರಿಸರದಿಂದ 4 ಕಿಲೋ ಗಾಂಜಾ ವಶಪಡಿಸಿಕೊಂಡ ಪ್ರಕರಣದ ಆರೋಪಿ ಬಂದ್ಯೋಡ್‌ ಅಡ್ಕದ ಅಬ್ದುಲ್‌ ಸಮೀರ್‌ ಅವರ ಪತ್ನಿ ಸುಹರಾಬಿ (37)ಯನ್ನು ಕಾಸರಗೋಡು ಎಕ್ಸೈಸ್‌ ಎನ್‌ಫೋರ್ಸ್‌ಮೆಂಟ್‌ ಆ್ಯಂಡ್‌ ಆ್ಯಂಟಿ ನಾರ್ಕೋಟಿಕ್‌ ಸ್ಪೆಷಲ್‌ ಸ್ಕ್ವಾಡ್‌ನ‌ವರು ಬಂಧಿಸಿದ್ದಾರೆ.

ಈ ಸಂದರ್ಭದಲ್ಲಿ ಆಕೆಯ ಕೈಯಲ್ಲಿ 30 ಗ್ರಾಂ ಗಾಂಜಾ ಪತ್ತೆಯಾಗಿದ್ದು, ಅದನ್ನು ವಿಶೇಷ ಪಡೆ ವಶಪಡಿಸಿಕೊಂಡಿದೆ. ಆಕೆಗೆ ನ್ಯಾಯಾಲಯ ನ್ಯಾಯಾಂಗ ಬಂಧನ ವಿಧಿಸಿದೆ.