ಬೆಂಗಳೂರು: ಕೋವಿಡ್ ಅಬ್ಬರ ಶನಿವಾರ ರಾಜ್ಯದಲ್ಲಿ ಜೋರಾಗಿದ್ದು ಒಂದೇ ದಿನ 4537 ಕೋವಿಡ್ ಹೊಸ ಸೋಂಕಿತರು ಪತ್ತೆಯಾಗಿದ್ದಾರೆ. ಇದರಲ್ಲಿ ಬೆಂಗಳೂರಿನ 2125 ಮಂದಿ ಸೋಂಕಿತರರು ಸೇರಿದ್ದಾರೆ.
ರಾಜ್ಯದಲ್ಲಿ ಕೋವಿಡ್ ಸೋಂಕಿನ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು ಇಂದು ರಾಜ್ಯದಲ್ಲಿ ಅತೀ ಹೆಚ್ಚು ಪ್ರಕರಣಗಳು ದೃಢಪಟ್ಟಿವೆ ಎನ್ನಲಾಗಿದೆ.
ರಾಜ್ಯದ ಇಂದಿನ 4537 ಮಂದಿ ಸೋಂಕಿತರಲ್ಲಿ ಬೆಂಗಳೂರಿನಲ್ಲಿಯೇ 2125 ಮಂದಿ ಸೇರಿದ್ದಾರೆ. ಬೆಂಗಳೂರಿನಲ್ಲಿ ದಿನೇ ದಿನೆ ಸೋಂಕಿತರ ಸಂಖ್ಯೆ ಸಾವಿರದ ಗಡಿ ದಾಟುತ್ತಿದ್ದು ಸಾರ್ವಜನಿಕರಲ್ಲಿ ಆತಂಕ ಮನೆಮಾಡಿದೆ.
ಇಂದು ಬಂದ ವರದಿಗಳ ಪ್ರಕಾರ :
ದಕ್ಷಿಣ ಕನ್ನಡ -509
ಧಾರವಾಡ-186
ವಿಜಯಪುರ-176
ಬಳ್ಳಾರಿ-155
ಬೆಳಗಾವಿ-137
ಉತ್ತರ ಕನ್ನಡ-116
ಶಿವಮೊಗ್ಗ-114
ಉಡುಪಿ-109
ಚಿಕ್ಕಬಳ್ಳಾಪುರ-107
ಮೈಸೂರು-101
ಇನ್ನು ಉಳಿದ ಜಿಲ್ಲೆಗಳಲ್ಲಿ 40 – 50 ಪ್ರಕರಣಗಳು ದಾಖಲಾಗಿವೆ ಎನ್ನಲಾಗಿದೆ. ವೈದ್ಯಕೀಯ ಶಿಕ್ಷಣ ಸಚಿವರ ಪ್ರಕಾರ ಇಂದು ಒಂದೇದಿನ 34819 ಮಂದಿಗೆ ಪರೀಕ್ಷೆ ಮಾಡಿದ್ದೇವೆ ಎಂದು ಮಾಹಿತಿ ನೀಡಿದ್ದಾರೆ.
