Road Mishap; ಕಾರ್ನಾಡು: ಕಾರು – ಬಸ್‌ ಢಿಕ್ಕಿ

ಮೂಲ್ಕಿ: ಇಲ್ಲಿನ ಕಾರ್ನಾಡು ಚರಂತಿಪೇಟೆ ಮಿಲ್ಲಿನಂಗಡಿ ಸಮೀಪ ಕಾರೊಂದಕ್ಕೆ ಬಸ್ಸು ಢಿಕ್ಕಿಯಾದ ಪರಿಣಾಮ ಕಾರಿನ ಮುಂಭಾಗ ನಜ್ಜುಗುಜ್ಜಾಗಿದ್ದು, ಚಾಲಕ ಕವತ್ತಾರು ಗ್ರಾಮದ ನಿತೇಶ್‌ಗೆ ತರಚಿದ ಗಾಯಗಳಾಗಿವೆ. ಬಸ್ಸಿಗೂ ಹಾನಿಯಾಗಿದೆ.

ಕಾರಿನ ಚಾಲಕನ ಎಡವಟ್ಟಿನಿಂದಾಗಿ ಅಪಘಾತ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಂಗಳೂರು ಉತ್ತರ ಟ್ರಾಫಿಕ್‌ ಪೊಲೀಸರು ಸ್ಥಳಕ್ಕೆ ಆಗಮಿಸಿ ತನಿಖೆ ನಡೆಸಿದ್ದಾರೆ.