Karkala ಅಕ್ರಮ ಗೋಸಾಗಾಟ, ನಾಲ್ಕು ಹಸುಗಳ ರಕ್ಷಣೆ

ಕಾರ್ಕಳ: ಕಾರ್ಕಳ ತಾ|ನ ಬಜಗೋಳಿ ಸಮೀಪದ ಮುಡಾರು ಎಂಬಲ್ಲಿ ಸ್ಕಾರ್ಪಿಯೋ ವಾಹನದಲ್ಲಿ ಹಿಂಸಾತ್ಮಕವಾಗಿ ಗೋವುಗಳನ್ನು ತುಂಬಿ ಸಾಗಿಸುತಿದ್ದ ನಾಲ್ಕು ಗೋವುಗಳನ್ನು ಸ್ಥಳಿಯರು, ಪೊಲೀಸರು ರಕ್ಷಿಸಿದ ಘಟನೆ ಆ.6ರಂದು ರಾತ್ರಿ ನಡೆದಿದೆ.

ಶಿರ್ಲಾಲು ಮಾರ್ಗವಾಗಿ ಸ್ಕಾರ್ಪಿಯೋ ವಾಹನದಲ್ಲಿ ಹಸುಗಳನ್ನು ಹಿಂಸಾತ್ಮಕವಾಗಿ ತುಂಬಿಸಿ ಸಾಗಿಸಲಾಗುತಿತ್ತು. ಸ್ಕಾರ್ಪಿಯೋ ವಾಹನ ಶಿರ್ಲಾಲಿನಲ್ಲಿ ಪಿಕಪ್‌ ವಾಹನವೊಂದಕ್ಕೆ ಡಿಕ್ಕಿ ಹೊಡೆದಿದೆ. ಆದರೂ ವಾಹನ ನಿಲ್ಲಿಸದೇ, ಅತೀ ವೇಗವಾಗಿ ವಾಹನ ಚಲಾಯಿಸಿದ್ದಾರೆ. ಸ್ಕಾರ್ಪಿಯೋ ವಾಹನದ ಟೈಯರ್‌ ಕೆರ್ವಾಶೆಯಲ್ಲಿ ಬ್ಲಾಸ್ಟ್‌ ಆಗಿದ್ದು ಅದೇ ಸ್ಥಿತಿಯಲ್ಲಿ ವಾಹನವನ್ನು ಆರೋಪಿಗಳು ಚಲಾಯಿಸಿಕೊಂಡು ಬಜಗೋಳಿ ಮಾರ್ಗವಾಗಿ ತೆರಳಿದ್ದು ಮುಡಾರಿನ ಬುನ್ನಾಡಿ ಎಂಬಲ್ಲಿ ವಾಹನ ನಿಲ್ಲಿಸಿ ಆರೋಪಿಗಳು ಪರಾರಿಯಾಗಿದ್ದಾರೆ.

ಸಂಘಟನೆಯ ಕಾರ್ಯಕರ್ತರು, ಸ್ಥಳೀಯರು ಸ್ಥಳಕ್ಕೆ ಬಂದು ಪರಿಶೀಲಿಸಿದಾಗ ವಾಹನದೊಳಗೆ ಅಕ್ರಮವಾಗಿ ಸಾಗಿಸಲೆತ್ನಿಸುತಿದ್ದ ನಾಲ್ಕು ಹಸುಗಳು ಪತ್ತೆಯಾಗಿದೆ. ಸ್ಥಳಿಯರ ಸಹಕಾರದಿಂದ ಪೊಲೀಸರು ದನಗಳನ್ನು ರಕ್ಷಣೆ ಮಾಡಿ, ವಾಹನವನ್ನು ವಶಕ್ಕೆ ಪಡೆದಿದ್ದಾರೆ. ಆರೋಪಿಗಳ ಪತ್ತೆಗಾಗಿ ಶೋಧ ನಡೆಸುತ್ತಿದ್ದಾರೆ.