Karkala; ಗಣಪತಿ ಕಟ್ಟೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಕಾಣಿಸಿಕೊಂಡ ಒಂಟಿ ಸಲಗ

ಕಾರ್ಕಳ:  ಎಸ್ .ಕೆ. ಬಾರ್ಡರ್ ಮೂಲಕ ಶೃಂಗೇರಿ  ಸಂಪರ್ಕಿಸುವ ರಾಷ್ಟ್ರೀಯ ಹೆದ್ದಾರಿ 166ರ ಎಸ್ ಕೆ ಬಾರ್ಡರ್ ಸಮೀಪದ ಗಣಪತಿ ಕಟ್ಟೆ ಬಳಿ ಒಂಟಿ ಸಲಗ ಕಾಣಿಸಿಕೊಂಡಿದೆ.ರಸ್ತೆಯಲ್ಲಿ ಸಂಚರಿಸುತ್ತಿದ್ದ ವಾಹನಗಳಿಗೆ ಅಡ್ಡ ಬಂದಿದ್ದು, ಕೆಲಕಾಲ ಸವಾರರು ಆತಂಕಗೊಂಡಿದ್ದಾರೆ. ಆದರೆ ಪ್ರಯಾಣಿಕರು, ವಾಹನ ಚಾಲಕರಿಗೆ ಯಾವುದೇ ತೊಂದರೆ ಮಾಡದ ಆನೆ ತನ್ನ ಪಾಡಿಗೆ ಕಾಡಿನತ್ತ ಸಾಗಿದೆ.

ಸಂಜೆಯ ವೇಳೆ ವೇಳೆಯಲ್ಲಿ ಕಾರಿನಲ್ಲಿ ತೆರಳುತ್ತಿದ್ದ ಪ್ರಯಾಣಿಕರು ಆನೆ ತನ್ನ ಸೊಂಡಿಲಿನಲ್ಲಿ ಹಿರಿದಾದ ಮರದ ಗೆಲ್ಲನ್ನು ಎತ್ತಿಕೊಂಡು ಸಾಗುತ್ತಾ ರಸ್ತೆ ದಾಟುವ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಯ ಬಿಟ್ಟಿದ್ದಾರೆ. ಈ ಒಂಟಿ ಸಲಗವು ಹೊಸನಗರ, ಆಗುಂಬೆ , ಮಾಣಿಕ್ಯ ಬೆಟ್ಟ , ಗಣಪತಿ ಕಟ್ಟೆ, ಮಾಳ, ಈದು ನಾರಾವಿ ಮೂಲಕ ಚಾರ್ಮಾಡಿ ಮೂಲಕ ಕುಮಾರ ಪರ್ವತದತ್ತ ಸಾಗುತ್ತದೆ ಎಂದು ಅರಣ್ಯಾಧಿಕಾರಿಗಳು ತಿಳಿಸಿದ್ದಾರೆ.