ಕರಾಚಿ: ಪೊಲೀಸ್ ವ್ಯಾನ್ ನಲ್ಲಿ ಅಡುಗೆ ಎಣ್ಣೆ ದಾಸ್ತಾನು ಲೂಟಿ ಮಾಡುತ್ತಿದ್ದ ಮೂವರು ಸದಸ್ಯರ ಗ್ಯಾಂಗನ್ನು ಕರಾಚಿ ಪೊಲೀಸರು ಬಂಧಿಸಿದ್ದಾರೆ ಎಂದು ಎಆರ್‌ವೈ ನ್ಯೂಸ್ ವರದಿ ಮಾಡಿದೆ.
ಗಾರ್ಡನ್ ಹೆಡ್‌ ಕ್ವಾರ್ಟರ್ಸ್ ಬಳಿ ಗುರುವಾರ ನಡೆದ ದಾಳಿಯ ವೇಳೆ ಗ್ಯಾಂಗ್ ನ ಸದಸ್ಯರನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ಬಂಧಿತ ವ್ಯಕ್ತಿಗಳಲ್ಲಿ ಗೋ-ಡೌನ್ ಮಾಲೀಕರು, ಕಾರ್ಮಿಕರು ಮತ್ತು ಪೊಲೀಸರು ಸೇರಿದ್ದಾರೆ. ಪೊಲೀಸ್ ವ್ಯಾನ್ ನಲ್ಲಿ ಬಂದ ಶಸ್ತ್ರಸಜ್ಜಿತ ವ್ಯಕ್ತಿಗಳು ಡಿಸ್ಟ್ರಿಕ್ಟ್ ಸೆಂಟ್ರಲ್‌ ನಲ್ಲಿ ಅಡುಗೆ ಎಣ್ಣೆಯ ದಾಸ್ತಾನುಗಳನ್ನು ಸಾಗಿಸುವ ಸರಕು ವಾಹನಗಳನ್ನು ಲೂಟಿ ಮಾಡುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಕಳೆದ ತಿಂಗಳು ಹತ್ತಾರು ದರೋಡೆ ಘಟನೆಗಳು ವರದಿಯಾಗಿವೆ ಎಂದು ಅವರು ಹೇಳಿದರು. ದರೋಡೆಯ ನಂತರ ಆರೋಪಿಗಳು ಅಡುಗೆ ಎಣ್ಣೆಯನ್ನು ಗೋಡೌನ್‌ ನಲ್ಲಿ ಬಚ್ಚಿಡುತ್ತಿದ್ದರು.
ಇದನ್ನೂ ಓದಿ:Modi Surname Case: ಶಿಕ್ಷೆ ವಿರುದ್ಧದ ರಾಹುಲ್‌ ಮೇಲ್ಮನವಿ ವಜಾಗೊಳಿಸಿದ ಹೈಕೋರ್ಟ್
ಕ್ಲಿಫ್ಟನ್ ವಿಭಾಗದ ಪೊಲೀಸರು ಈ ತಿಂಗಳ ಆರಂಭದಲ್ಲಿ ಡಿಫೆನ್ಸ್ ಮತ್ತು ಕ್ಲಿಫ್ಟನ್ ಪ್ರದೇಶದಲ್ಲಿನ ಮನೆ ದರೋಡೆ ಸರಣಿಯನ್ನು ಯಶಸ್ವಿಯಾಗಿ ಭೇದಿಸಿದ ಕಾರ್ಯಾಚರಣೆಯಲ್ಲಿ ಇಬ್ಬರು ವ್ಯಕ್ತಿಗಳನ್ನು ಹಿಡಿದಿದ್ದರು.
ಶಂಕಿತ ಆರೋಪಿಗಳಾದ ಅಶ್ರಫ್ ಅಲಿಯಾಸ್ ಅಚೋ ಮತ್ತು ಆಸಿಫ್, ಕರಾಚಿಯ ಐಷಾರಾಮಿ ಏರಿಯಾದಲ್ಲಿ ಅನೇಕ ದರೋಡೆಗಳನ್ನು ಮಾಡಿದ ಕಳ್ಳರ ಗ್ಯಾಂಗನ್ನು ಮುನ್ನಡೆಸಿದ್ದಾರೆ ಎನ್ನಲಾಗಿದೆ.
