ಕಾಪು: ವಿಷದ ಹಾವು ಕಡಿತ: ಮಹಿಳೆ ಸಾವು

ಕಾಪು: ವಿಷದ ಹಾವು ಕಡಿದು ಅಸ್ವಸ್ಥಗೊಂಡಿದ್ದ ಮಲ್ಲಾರು ನಿವಾಸಿ ಮಹಿಳೆ ಚಿಕಿತ್ಸೆ ಫಲಕಾರಿಯಾಗದೆ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ.

ಮಲ್ಲಾರು ಗ್ರಾಮದ ಉಗ್ರಾಣಿ ಹೌಸ್‌ ನಿವಾಸಿ ಚಾಂದ್‌ ಬಿ. (82) ಮೃತರು. ಮಲ್ಲಾರು ಗ್ರಾಮದ ಉಗ್ರಾಣಿ ಹೌಸ್‌ನಲ್ಲಿ ಮಗನ ಮನೆಯಲ್ಲಿ ವಾಸವಿದ್ದ ಚಾಂದ್‌ ಬಿ. ಅವರಿಗೆ ಡಿ. 14ರಂದು ರಾತ್ರಿ ಹಾವು ಕಚ್ಚಿದ್ದು, ಮಗನ ಹೆಂಡತಿ ಈ ಬಗ್ಗೆ ದೂರವಾಣಿ ಮೂಲಕ ಮಾಹಿತಿ ನೀಡಿದ್ದರು. ಅವರನ್ನು ಕೂಡಲೇ ರಿಕ್ಷಾ ಮಾಡಿಕೊಂಡು ಎರ್ಮಾಳಿಗೆ ಕರೆದೊಯ್ದು ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಗಾಗಿ ಮುಕ್ಕ ಶ್ರೀನಿವಾಸ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.