ಮಿಶ್ರಾ ಸತ್ಯಾಗ್ರಹ ಆರಂಭ: ಆಪ್‌ ನಾಯಕರ ವಿದೇಶ ಭೇಟಿ ವಿವರಕ್ಕೆ ಆಗ್ರಹ

ಹೊಸದಿಲ್ಲಿ : ಐವರು ಆಪ್‌ ನಾಯಕರ ವಿದೇಶ ಭೇಟಿಗೆ ಹಣ ಬಂದದ್ದು ಎಲ್ಲಿಂದ ? ಎಂಬುದನ್ನು ಬಹಿರಂಗ ಪಡಿಸುವಂತೆ ಆಗ್ರಹಿಸಿ ಬಂಡುಕೋರ ಆಪ್‌ ಶಾಸಕ ಕಪಿಲ್‌ ಮಿಶ್ರಾ ಅವರು ಇಂದಿನಿಂದ ಅನಿರ್ದಿಷ್ಟಾವಧಿಯ ಉಪವಾಸ ಸತ್ಯಾಗ್ರಹವನ್ನು ಆರಂಭಿಸಿದ್ದಾರೆ. 

ದಿಲ್ಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್‌ಗೆ ತಾನು ಬರೆದಿರುವ ಬಹಿರಂಗ ಪತ್ರವನ್ನು ಓದಿದ ಮಿಶ್ರಾ, “ನಾನು ಸತ್ಯಾಗ್ರಹ ನಡೆಸುತ್ತಿದ್ದೇನೆ; ನಿಮ್ಮ ಮನೆಯ ಮುಂದೆ ನಾನು ಕುಳಿತಿಲ್ಲ; ಒಂದು ಮೂಲೆಯಲ್ಲಿ ಕುಳಿತಿದ್ದೇನೆ; ಉಪವಾಸ ಸತ್ಯಾಗ್ರಹದಿಂದ ನಾನು ಸತ್ತರೂ ನೀವದನ್ನು ಕೇರ್‌ ಮಾಡಲ್ಲ ಅಂತ ನನಗೆ ಗೊತ್ತಿದೆ; ಆದರೆ ನಾನು ಎತ್ತಿರುವ ಪ್ರಶ್ನೆಗಳು ಇಡಿಯ ದೇಶಕ್ಕೇ ಮುಖ್ಯವಾಗಿವೆ; ಇದು ಪ್ರತಿಭಟನೆ ಅಲ್ಲ; ನಿಜ ತಿಳಿಯುವ ಆಂದೋಲನವಾಗಿದೆ’ ಎಂದು ಹೇಳಿದರು. 

ಆಪ್‌ ನಾಯಕರಾದ ಆಶಿಷ್‌ ಖೇತಾನ್‌, ಸಂಜಯ್‌ ಸಿಂಗ್‌, ರಾಘವ ಛಡ್ಡಾ, ದುಗೇìಶ್‌ ಪಾಠಕ್‌ ಮತ್ತು ಸತ್ಯೇಂದ್ರ ಜೈನ್‌ ಇವರ ವಿದೇಶ ಪ್ರವಾಸದ ವಿವರಗಳನ್ನು ಮಾತ್ರವೇ ನಾನು ಕೇಳುತ್ತಿದ್ದೇನೆ ಎಂದು ಮಿಶ್ರಾ ಹೇಳಿದರು.