Advertisement
“ಟಕ್ಕರ್‌’ ಚಿತ್ರದಲ್ಲಿ ಮನೋಜ್‌ಗೆ ನಾಯಕಿಯಾಗಿ ಕಿರುತೆರೆಯ “ಕನ್ನಡತಿ’ ಧಾರಾವಾಹಿ ಖ್ಯಾತಿಯ ರಂಜನಿ ರಾಘವನ್‌ ಜೋಡಿಯಾಗಿದ್ದು, ಉಳಿದಂತೆ ಸೌರವ್‌ ಲೋಕಿ, ಸಾಧುಕೋಕಿಲ, ಅಶ್ವಿ‌ನ್‌ ಹಾಸನ್‌, ಆದಿ, ನಯನಾ, ಕುರಿ ಸುನಿಲ್‌, ಜೈ ಜಗದೀಶ್‌, ಕೆ.ಎಸ್‌ ಶ್ರೀಧರ್‌, ಸುಮಿತ್ರಾ, ಶಂಕರ್‌ ಅಶ್ವಥ್‌, ಲಕ್ಷ್ಮಣ್‌ ಶಿವಶಂಕರ್‌ ಹೀಗೆ ಹಿರಿ-ಕಿರಿಯ ಕಲಾವಿದರ ದೊಡ್ಡ ತಾರಾಗಣವೇ ಚಿತ್ರದಲ್ಲಿದೆ.
Related Articles
Advertisement
“ಇಂದಿನ ಸ್ಮಾರ್ಟ್‌ಪೋನ್‌ ಮತ್ತು ತಂತ್ರಜ್ಞಾನ ಹೇಗೆ ದುರುಪಯೋಗವಾಗುತ್ತಿದೆ. ಅದರಿಂದ ಹೆಣ್ಣು ಮಕ್ಕಳ ಮಾನ-ಪ್ರಾಣ ಎರಡಕ್ಕೂ ಹೇಗೆ ಚ್ಯುತಿ ಬರುತ್ತಿದೆ. ಜನರ ನೆಮ್ಮದಿ ಹೇಗೆ ಹಾಳಾಗುತ್ತಿದೆ ಅನ್ನೋದನ್ನ “ಟಕ್ಕರ್‌’ನಲ್ಲಿ ತುಂಬ ಚೆನ್ನಾಗಿ ಚಿತ್ರಿಸಲಾಗಿದೆ. ಇದು ಯಾವುದೋ ಒಂದು ವರ್ಗಕ್ಕೆ ಸೀಮಿತವಾದ ಸಿನಿಮಾವಲ್ಲ. ಎಲ್ಲ ವರ್ಗದ ಪ್ರೇಕ್ಷಕರಿಗೂ ಕನೆಕ್ಟ್ ಆಗುವಂಥ ಸಬೆjಕ್ಟ್ “ಟಕ್ಕರ್‌’ನಲ್ಲಿದೆ. ಮನೆಯಲ್ಲಿ ಮಕ್ಕಳು, ಪೋಷಕರು ಎಲ್ಲರೂ ಓಟ್ಟಾಗಿ ಕೂತು ನೋಡುವಂಥ ಕಂಟೆಂಟ್‌ ಇರುವ ಸಿನಿಮಾ ಇದಾಗಿದೆ. ಇದರಲ್ಲಿ ನನ್ನದು ಮಧ್ಯಮ ವರ್ಗದ ಕುಟುಂಬದ ಹುಡುಗಿಯ ಪಾತ್ರ’ ಎನ್ನುತ್ತಾರೆ ನಾಯಕಿ ರಂಜನಿ ರಾಘವನ್‌.
“ಎಸ್‌.ಎಲ್.ಎನ್‌ ಕ್ರಿಯೇಶನ್ಸ್’ ಬ್ಯಾನರ್‌ ನಲ್ಲಿ ನಾಗೇಶ ಕೋಗಿಲು “ಟಕ್ಕರ್‌’ ಚಿತ್ರವನ್ನು ನಿರ್ಮಿಸಿದ್ದಾರೆ. ವಿ. ರಘುಶಾಸ್ತ್ರಿ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ಮಣಿಕಾಂತ್‌ ಕದ್ರಿ ಸಂಗೀತ ಸಂಯೋಜಿಸಿದ್ದು, ವಿಜಯ ಪ್ರಕಾಶ್‌- ಅನುರಾಧಾ ಭಟ್‌, ಸಂಜಿತ್‌ ಹೆಗ್ಡೆ, ಶಶಾಂಕ್‌ ಶೇಷಗಿರಿ ಹಾಡುಗಳಿಗೆ ಧ್ವನಿಯಾಗಿದ್ದಾರೆ. ಚಿತ್ರಕ್ಕೆ ವಿಲಿಯಮ್ಸ್ ಡೇವಿಡ್‌ ಛಾಯಾಗ್ರಹಣ, ಕೆ.ಎಂ. ಪ್ರಕಾಶ್‌ ಸಂಕಲನವಿದೆ.
ಜಿ.ಎಸ್‌. ಕಾರ್ತಿಕ ಸುಧನ್‌