Advertisement
ಹೌದು, ಸೆಟ್ಟೇರಿದಾಗಿನಿಂದಲೂ ತನ್ನ ಟೈಟಲ್‌ ಮತ್ತು ಕಥಾಹಂದರದ ಮೂಲಕ ಸಿನಿಪ್ರಿಯರ ಗಮನ ಸೆಳೆದಿರುವ “ಓಲ್ಡ್‌ ಮಾಂಕ್‌’ ಚಿತ್ರ ಇಂದು ತೆರೆಗೆ ಬರುತ್ತಿದೆ. ಈಗಾಗಲೇ ಬಿಡುಗಡೆಯಾಗಿರುವ “ಓಲ್ಡ್‌ ಮಾಂಕ್‌’ ಸಿನಿಮಾದ ಪೋಸ್ಟರ್‌, ಟೀಸರ್‌, ಹಾಡುಗಳು ಸೋಶಿಯಲ್‌ ಮೀಡಿಯಾದಲ್ಲಿ ದೊಡ್ಡ ಮಟ್ಟದಲ್ಲಿ ಸೌಂಡ್‌ ಮಾಡುತ್ತಿದ್ದು, ಸಿನಿಪ್ರಿಯರ ಗಮನ ಸೆಳೆಯಲು ಯಶಸ್ವಿಯಾಗಿವೆ.
Related Articles
Advertisement
“ಇದರಲ್ಲಿ ಪುರಾಣದ ಒಂದು ಎಳೆಯನ್ನ ಬ್ಲೆಂಡ್‌ ಮಾಡಿ, ಅದನ್ನ ಇಂದಿನ ಆಡಿಯನ್ಸ್‌ಗೆ ಎಂಟರ್‌ಟೈನ್ಮೆಂಟ್‌ ಮಾಡುವ ರೀತಿಯಲ್ಲಿ ಸಿನಿಮಾದಲ್ಲಿ ಹೇಳಿದ್ದೇವೆ. ಶಾಪಗ್ರಸ್ಥ ನಾರದ ಒಬ್ಬ ಪ್ರೇಮಿಯಾಗಿ ಭೂಮಿಗೆ ಬಂದಾಗ ಇಲ್ಲಿ ಏನೇನು ಸಂಕಷ್ಟಗಳನ್ನು ಅನುಭವಿಸುತ್ತಾನೆ ಅನ್ನೋದು ಸಿನಿಮಾದ ಕಥೆಯ ಒಂದು ಸಣ್ಣ ಎಳೆ. ಇಡೀ ಸಿನಿಮಾ ಮೊದಲಿನಿಂದ, ಕೊನೆಯವರೆಗೂ ಪ್ರೇಕ್ಷಕರಿಗೆ ಎಂಟರ್‌ಟೈನ್ಮೆಂಟ್‌ ಕೊಡಲಿದೆ. ಎಲ್ಲ ಅಂದು ಕೊಂಡಂತೆ ಆಗಿದ್ದರೆ, ಒಂದು ವರ್ಷದ ಹಿಂದೆಯೇ “ಓಲ್ಡ್‌ ಮಾಂಕ್‌’ ರಿಲೀಸ್‌ ಆಗಬೇಕಿತ್ತು. ಆದ್ರೆ ಕೋವಿಡ್ ಕಾರಣ ದಿಂದ ರಿಲೀಸ್‌ ತಡವಾಯ್ತು. ಲೇಟ್‌ ಆದ್ರೂ ಒಂದೊಳ್ಳೆ ಸಿನಿಮಾ ಕೊಡುತ್ತಿದ್ದೇವೆ’ ಎನ್ನುವುದು ಶ್ರೀನಿ ಮಾತು.
“ಓಲ್ಡ್‌ ಮಾಂಕ್‌’ ಚಿತ್ರದಲ್ಲಿ ಶ್ರೀನಿಗೆ ಅದಿತಿ ಪ್ರಭುದೇವ ಜೋಡಿಯಾಗಿ ಅಭಿನಯಿಸಿದ್ದಾರೆ. ಉಳಿದಂತೆ ಎಸ್‌. ನಾರಾಯಣ್‌, ಸುಜಯ್‌ ಶಾಸ್ತ್ರೀ, ರಾಜೇಶ್‌, ಅರುಣಾ ಬಾಲರಾಜ್‌, ಸುದೇವ್‌ ನಾಯರ್‌, ಸುನೀಲ್‌ ರಾವ್‌, ಮೇಘಶ್ರೀ, ಬೆಂಗಳೂರು ನಾಗೇಶ್‌ ಹೀಗೆ ದೊಡ್ಡ ಕಲಾವಿದರ ದಂಡೇ ಚಿತ್ರದಲ್ಲಿದೆ.
ಜಿ. ಎಸ್‌. ಕಾರ್ತಿಕ ಸುಧನ್‌