Kannada Cinema: ‘ಮ್ಯಾಟ್ನಿ’ಯಲ್ಲಿ ಕಿಕ್ ಏರಿಸುವ ಹಾಡು

“ಅಯೋಗ್ಯ’ ಸಿನಿಮಾದ ಬಳಿಕ ನಟ ನೀನಾಸಂ ಸತೀಶ್‌ ಹಾಗೂ ರಚಿತಾ ರಾಮ್‌ ಜೋಡಿಯಾಗಿ ಅಭಿನಯಿಸುತ್ತಿರುವ “ಮ್ಯಾಟ್ನಿ’ ಸಿನಿಮಾ ತೆರೆಗೆ ಬರಲು ತಯಾರಾಗುತ್ತಿದೆ.

ಸದ್ಯ ಭರದಿಂದ “ಮ್ಯಾಟ್ನಿ’ ಸಿನಿಮಾದ ಪ್ರಚಾರ ಕಾರ್ಯಗಳಲ್ಲಿ ನಿರತವಾಗಿರುವ ಚಿತ್ರತಂಡ, ಹೊಸ ವರ್ಷದ ಸಂದರ್ಭದಲ್ಲಿ “ಬಾರೋ ಬಾರೋ ಬಾಟಲ್‌ ತಾರೋ…’ ಎಂಬ ಮಾಸ್‌ ಹಾಡನ್ನು ಬಿಡುಗಡೆ ಮಾಡಿದೆ. ಪೂರ್ಣಚಂದ್ರ ತೇಜಸ್ವಿ ಬರೆದು ಸಂಗೀತ ನೀಡಿರುವ ಈ ಹಾಡಿಗೆ ಪೂರ್ಣಚಂದ್ರ ತೇಜಸ್ವಿ, ನೀನಾಸಂ ಸತೀಶ್‌ ಹಾಗೂ ರೀಲ್‌ ರೀನಾ ಧ್ವನಿಯಾಗಿದ್ದು, ನಟ ಡಾಲಿ ಧನಂಜಯ ಈ ಹಾಡನ್ನು ಬಿಡುಗಡೆ ಮಾಡಿ, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.

ಇಂದಿನ ಯುವ ಪೀಳಿಗೆಯ ಅಭಿರುಚಿಗೆ ತಕ್ಕಂತೆ ಮೂಡಿ ಬಂದಿರುವ ಈ ಹಾಡಿಗೆ ನಟರಾದ ನೀನಾಸಂ ಸತೀಶ್‌, ನಾಗಭೂಷಣ್‌ ಹಾಗೂ ಶಿವರಾಜ್‌ ಕೆ. ಆರ್‌ ಪೇಟೆ ಹೆಜ್ಜೆ ಹಾಕಿದ್ದಾರೆ.

“ಎಫ್ 3 ಪ್ರೊಡಕ್ಷನ್ಸ್‌’ ಬ್ಯಾನರ್‌ನಲ್ಲಿ ಪಾರ್ವತಿ ಎಸ್‌. ಗೌಡ ನಿರ್ಮಿಸಿರುವ “ಮ್ಯಾಟ್ನಿ’ ಸಿನಿಮಾಕ್ಕೆ ಮನೋಹರ್‌ ಕಾಂಪಲ್ಲಿ ನಿರ್ದೇಶನವಿದೆ. ಸಿನಿಮಾಕ್ಕೆ ಸುಧಾಕರ್‌ ಎಸ್‌. ರಾಜ್‌ ಛಾಯಾಗ್ರಹಣ ಹಾಗೂ ಕೆ. ಎಂ. ಪ್ರಕಾಶ್‌ ಸಂಕಲನವಿದೆ.