Kanguva: ಪ್ಯಾನ್‌ ಇಂಡಿಯಾ ʼಕಂಗುವʼದಲ್ಲಿ ನಟಿಸಿರುವ ಕಲಾವಿದರ ಸಂಭಾವನೆ ಎಷ್ಟು?

ಚೆನ್ನೈ: ಪ್ಯಾನ್‌ ಇಂಡಿಯಾ ʼಕಂಗುವʼ (Kanguva) ಇದೇ ವಾರ ತೆರೆ ಕಾಣಲಿದೆ. ಕಾಲಿವುಡ್‌ ಸ್ಟಾರ್‌ ಸೂರ್ಯ (Suriya) ಫ್ಯಾಂಟಸಿ ಲುಕ್‌ನಲ್ಲಿ ಅಬ್ಬರಿಸಲಿದ್ದಾರೆ. ಅವರ ಪಾತ್ರದ ಝಲಕ್‌ ಈಗಾಗಲೇ ಟ್ರೇಲರ್‌ ನೋಡಿದ ಪ್ರತಿಯೊಬ್ಬರಲ್ಲೂ ಸಿನಿಮಾದ ಮೇಲಿನ ಕುತೂಹಲವನ್ನು ಹೆಚ್ಚಾಗುವಂತೆ ಮಾಡಿದೆ.

ಸಿನಿಮಾದಲ್ಲಿ ಮಲ್ಟಿಸ್ಟಾರ್ಸ್‌ಗಳಿದ್ದಾರೆ. ಈ ಕಲಾವಿದರು ʼಕಂಗುವʼದಲ್ಲಿ ನಟಿಸಲು ಪಡೆದ ಸಂಭಾವನೆ (Remuneration) ಎಷ್ಟು ಎನ್ನುವುದರ ಕುರಿತುʼ ಫೈನಾನ್ಶಿಯಲ್ ಎಕ್ಸ್‌ಪ್ರೆಸ್ʼ ವರದಿ ಮಾಡಿದೆ.

ಇದನ್ನೂ ಓದಿ: Viral: ಜನಪ್ರಿಯ ಟಿಕ್‌ ಟಾಕ್‌ ತಾರೆಯ ಖಾಸಗಿ ವಿಡಿಯೋ ಲೀಕ್..‌ ಭಾರೀ ವೈರಲ್  

ಸೂರ್ಯ ಎರಡು ಶೇಡ್‌ನಲ್ಲಿ ʼಕಂಗುವʼದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಪಾತ್ರಕ್ಕಾಗಿ ಅವರು 39 ಕೋಟಿ ರೂ. ಸಂಭಾವನೆ ಪಡೆಯಲಿದ್ದಾರೆ ಎಂದು ವರದಿ ತಿಳಿಸಿದೆ.

ʼಅನಿಮಲ್‌ʼ ನಟ ಬಾಬಿ ಡಿಯೋಲ್‌ (Bobby Deol) ‘ಕಂಗುವʼದಲ್ಲಿ ನೆಗೆಟಿವ್‌ ರೋಲ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ʼಮನಿ ಕಂಟ್ರೋಲ್‌ʼ ವರದಿ ಪ್ರಕಾರ ಬಾಬಿ ʼಕಂಗುವʼ ದ ʼಉಧಿರನ್‌ʼ ಪಾತ್ರದಲ್ಲಿ ನಟಿಸಲು 5 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಎಂದು ಹೇಳಲಾಗಿದೆ.

ಬಿಟೌನ್‌ ಬೆಡಗಿ ದಿಶಾ ಪಟಾನಿ (Disha Patani) ʼಕಂಗುವʼದ ಮೂಲಕ ಕಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ.  ಅವರ ಪಾತ್ರಕ್ಕೆ ದಿಶಾ 3 ಕೋಟಿ ರೂ. ಸಂಭಾವನೆಯನ್ನು ಪಡೆದಿದ್ದಾರೆ ಎಂದು ವರದಿ ತಿಳಿಸಿದೆ.

ಶಿವ ನಿರ್ದೇಶನದ ಈ ಸಿನಿಮಾಕ್ಕೆ 300-350 ಕೋಟಿ ರೂ. ಬಂಡವಾಳ ಹಾಕಲಾಗಿದೆ. ʼಕಂಗುವʼ ಪಾಸಿಟಿವ್‌ ಓಪನಿಂಗ್‌ ಪಡೆಯುವ ನಿರೀಕ್ಷೆಯಿದೆ.