Kangana Ranaut: 32 ಕೋಟಿ ರೂ.ಗೆ ಬಂಗಲೆ ಮಾರಿದ ಸಂಸದೆ ಕಂಗನಾ

ಮುಂಬೈ: ನಟಿ, ಸಂಸದೆ ಕಂಗನಾ ರಣೌತ್‌ ಮುಂಬೈನಲ್ಲಿರುವ ತಮ್ಮ ವಿವಾದಿತ ಬಂಗಲೆಯನ್ನು 32 ಕೋಟಿ ರೂ.ಗಳಿಗೆ ಮಾರಾಟ ಮಾಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

2017ರಲ್ಲಿ 20.7 ಕೋಟಿ ರೂ. ನೀಡಿ ಖರೀದಿಸಲಾಗಿದ್ದ ಈ ಬಂಗಲೆಯಲ್ಲಿಯೇ ತಮ್ಮ ಮಣಿಕರ್ಣಿಕಾ ನಿರ್ಮಾಣ ಸಂಸ್ಥೆಯ ಕಚೇರಿ ಹೊಂದಿದ್ದ ಕಂಗನಾ, ಬಂಗಲೆಯ ಮೇಲೆ 27 ಕೋಟಿ ಸಾಲ ಕೂಡ ಪಡೆದಿದ್ದರು. ಅದನ್ನು ಕೊಯಮತ್ತೂರು ಮೂಲದ ಉದ್ಯಮಿ ಖರೀದಿಸಿದ್ದಾರೆ ಎನ್ನಲಾಗಿದೆ.

2020ರಲ್ಲಿ ಈ ಕಟ್ಟಡದ ಕೆಲ ಭಾಗಗಳನ್ನು ಅಕ್ರಮವಾಗಿ ನಿರ್ಮಿಸಲಾಗಿದೆ ಎಂಬ ಕಾರಣವೊಡ್ಡಿ ಬಿಎಂಸಿ ಧ್ವಂಸಗೊಳಿಸಿತ್ತು. ತೆರವಿಗೆ ಬಾಂಬೆ ಹೈಕೋರ್ಟ್‌ ತಡೆಯಾಜ್ಞೆ ನೀಡಿತ್ತು.