US Election: ಸೋಲಿನ ಬೆನ್ನಲ್ಲೇ ಭಾಷಣ ರದ್ದುಪಡಿಸಿದ ಕಮಲಾ ಹ್ಯಾರಿಸ್‌!

ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ರಿಪಬ್ಲಿಕನ್‌ ಪಕ್ಷದ ಡೊನಾಲ್ಡ್‌ ಟ್ರಂಪ್‌ ಗೆಲುವು ಖಚಿತವಾಗಿದೆ. ಈ ಹಿನ್ನೆಲೆಯಲ್ಲಿ ಹಾಲಿ ಉಪಾಧ್ಯಕ್ಷೆ, ಡೆಮಾಕ್ರಟಿಕ್‌ ಅಭ್ಯರ್ಥಿ ಕಮಲಾ ಹ್ಯಾರಿಸ್‌ ಬುಧವಾರದ ತಮ್ಮ ಭಾಷಣವನ್ನು ರದ್ದುಗೊಳಿಸಿದರು.

“ಕಮಲಾ ಅವರು ಇಂದು ರಾತ್ರಿ ಜನರನ್ನುದ್ದೇಶಿಸಿ ಮಾತನಾಡುತ್ತಿಲ್ಲ, ಬದಲಾಗಿ ನಾಳೆ ಮಾತನಾಡಲಿದ್ದಾರೆ’ ಎಂದು ಕಮಲಾರ ಪ್ರಚಾರ ತಂಡದ ಪ್ರಮುಖರಾದ ಸೆಡ್ರಿಕ್‌ ರಿಚ್ಮಂಡ್ ಹೊವಾರ್ಡ್‌ ವಿವಿಯ ಬಳಿ ನೆರೆದಿದ್ದ ಕಮಲಾ ಬೆಂಬಲಿಗರಿಗೆ ತಿಳಿಸಿದ್ದಾರೆ. ಏತನ್ಮಧ್ಯೆ ಟ್ರಂಪ್‌ ಫ್ಲೋರಿಡಾದ ವೆಸ್ಟ್‌ ಪಾಮ್‌ ಸಮುದ್ರತೀರದಲ್ಲಿ ತಮ್ಮ ಬೆಂಬಲಿಗರನ್ನುದ್ದೇಶಿಸಿ ವಿಜಯ ಭಾಷಣ ಮಾಡಿದ್ದಾರೆ.