ಚೆನ್ನೈ: ಕಾಲಿವುಡ್‌ ಸಿನಿರಂಗದ ದಿಗ್ಗಜ ನಟ ಕಮಲ್ ಹಾಸನ್ (Kamal Haasan) ಅವರಿಗಿಂದು (ನ.7ರಂದು) 70ನೇ ಹುಟ್ಟುಹಬ್ಬದ ಸಂಭ್ರಮ. 70ರ ಹರೆಯದಲ್ಲೂ ಕಮಲ್ ಹಾಸನ್ ಬಾಕ್ಸಾಫೀಸ್‌ನಲ್ಲಿ ಕೋಟಿ ಕಮಾಯಿ ಮಾಡುವ ಕಿಂಗ್‌ ಆಗಿದ್ದಾರೆ.
ಕಮಾಲ್‌ ಹಾಸನ್ ಹುಟ್ಟುಹಬ್ಬಕ್ಕೆ ಮೋಹನ್‌ ಲಾಲ್, ಶಿವಕಾರ್ತಿಕೇಯನ್ ಸೇರಿದಂತೆ ಅನೇಕರು ಶುಭಕೋರಿದ್ದಾರೆ. ಇತ್ತ ಕಮಲ್ ಹಾಸನ್ ಅವರ ಮುಂದಿನ ಸಿನಿಮಾದಿಂದ ಬಿಗ್‌ ಅಪ್ಡೇಟ್‌ ಹೊರಬಿದ್ದಿದೆ.
ಕಮಲ್ ಹಾಸನ್ – ಮಣಿರತ್ನಂ (Mani Ratnam) 36 ವರ್ಷದ ಬಳಿಕ ಜೊತೆಯಾಗುತ್ತಿರುವ ʼಥಗ್ ಲೈಫ್‌ʼ (Thug Life) ಸೆಟ್ಟೇರಿದ ದಿನದಿಂದ ಸೌಂಡ್‌ ಮಾಡುತ್ತಿದೆ. ಕಮಲ್ ಹಾಸನ್ ಹುಟ್ಟುಹಬ್ಬಕ್ಕೆ ಚಿತ್ರತಂಡ ಟೀಸರ್‌ ಹಾಗೂ ಪೋಸ್ಟರ್ ಬಿಟ್ಟು ಮಾಡಿ ರಿಲೀಸ್‌ ಡೇಟ್‌ ರಿವೀಲ್‌ ಮಾಡಿದೆ.
ವಯಸ್ಸಾದ ಲುಕ್‌ ಹಾಗೂ ಯಂಗ್‌ & ಎನರ್ಜಿಟಿಂಗ್‌ ಪಾತ್ರದಲ್ಲಿ ಕಮಲ್ ಹಾಸನ್ ಎರಡು ಶೇಡ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿಂಬು ಹಾಗೂ ಕಮಲ್ ಹಾಸನ್ ಅವರ ಫೈಟ್ಸ್‌ ಸೀನ್‌ಗಳ ಝಲಕ್‌ ಟೀಸರ್‌ನಲ್ಲಿ ತೋರಿಸಲಾಗಿದೆ.
ಕಮಲ್ ಹಾಸನ್, ಸಿಂಬು ಕ್ಯಾರೆಕ್ಟರ್‌ ಪೋಸ್ಟರ್ ರಿವೀಲ್‌ ಮಾಡಲಾಗಿದ್ದು, 2025ರ ಜೂನ್ 5ರಂದು ಸಿನಿಮಾ ರಿಲೀಸ್‌ ಆಗಲಿದೆ ಎಂದು ಚಿತ್ರತಂಡ ಅನೌನ್ಸ್ ಮಾಡಿದೆ.
ಸಿಂಬು, ತ್ರಿಶಾ ಕೃಷ್ಣನ್, ಅಶೋಕ್ ಸೆಲ್ವನ್, ಜೋಜು ಜಾರ್ಜ್, ನಾಸರ್, ಅಭಿರಾಮಿ ಗೋಪಿಕುಮಾರ್, ಐಶ್ವರ್ಯ ಲಕ್ಷ್ಮಿ, ಜಿಶು ಸೆಂಗುಪ್ತ ಮುಂತಾದವರು ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ರಾಜ್ ಕಮಲ್ ಫಿಲ್ಮ್ಸ್ ಇಂಟರ್‌ನ್ಯಾಶನಲ್, ಮದ್ರಾಸ್ ಟಾಕೀಸ್ ಮತ್ತು ರೆಡ್ ಜೈಂಟ್ ಮೂವೀಸ್ ಜಂಟಿಯಾಗಿ ಸಿನಿಮಾವನ್ನು ನಿರ್ಮಿಸಿದೆ. ʼಥಗ್ ಲೈಫ್‌ʼಗೆ ಎಆರ್ ರೆಹಮಾನ್ ಅವರ ಸಂಗೀತ ಸಂಯೋಜನೆ, ಶ್ರೀಕರ್ ಪ್ರಸಾದ್ ಸಂಕಲನ ಮತ್ತು ರವಿ ಕೆ ಚಂದ್ರನ್ ಅವರ ಛಾಯಾಗ್ರಹಣವಿದೆ.
