“ದಯವಿಟ್ಟು ನನ್ನ ಅಣ್ಣನನ್ನು ಬದುಕಿಸಿಕೊಡಿ” : ಬೆಡ್ ಸಿಗದೆ ಅಂಗಲಾಚಿದ ರೋಗಿಯ ಸಂಬಂಧಿ

ಕಲಬುರಗಿ : ತೀವ್ರ ಉಸಿರಾಟ ತೊಂದರೆ ಇರುವ ವ್ಯಕ್ತಿಯೊಬ್ಬರಿಗೆ ನಗರದ ಯಾವ ಆಸ್ಪತ್ರೆಯಲ್ಲೂ ಬೆಡ್ ಸಿಗದೆ ನರಳಾಡಿದ ಮನಕಲಕುವ ಘಟನೆ ನಡೆದಿದೆ.

ಕಮಲಾಪೂರ ತಾಲೂಕಿನ ಭೀಮಬಾಳ ಗ್ರಾಮದ 53 ವರ್ಷದ ವ್ಯಕ್ತಿಗೆ ತೀವ್ರ ಉಸಿರಾಟ ತೊಂದರೆಯಿರುವ ಕಾರಣ ಚಿಕಿತ್ಸೆಗಾಗಿ ನಗರದ ಆಸ್ಪತ್ರೆಗಳಿಗೆ ಅಲೆದಾಡಿ ಬೆಡ್ ಸಿಗದೆ ಅಂಗಲಾಚುವ ಪರಿಸ್ಥಿತಿ ಬಂದಿದೆ. ಕಲಬುರಗಿಯ ಯಾವ ಆಸ್ಪತ್ರೆಯಲ್ಲೂ ಬೆಡ್ ಇಲ್ಲ ಎನ್ನುವ ಮಾತನ್ನು ಹೇಳಿ ವಾಪಾಸ್ ಕಳುಹಿಸಿದ್ದಾರೆ.

ಇದನ್ನೂ ಓದಿ : ಕೋವಿಡ್ ಮೂರನೇ ಅಲೆಗೆ ಸಿದ್ಧರಾಗಿ : ಮುನ್ಸಿಪಲ್ ಕಮಿಷನರ್ ಗೆ ಆದಿತ್ಯ ಠಾಕ್ರೆ ಹೇಳಿದ್ದೇನು.?

ಜಿಮ್ಸ್ ಆಸ್ಪತ್ರೆ ಮುಂದೆ ಕಾರಿನಲ್ಲಿ ರೋಗಿಯನ್ನು ಕೂರಿಸಿ ಕುಟುಂಬದವರು ಗಾಳಿ ಹಾಕುತ್ತಾ ಕಾಲಿಗೆ ಬೀಳ್ತಿವಿ.. ಬೆಡ್ ಕೊಟ್ಟು ನಮ್ಮ ಅಣ್ಣನನ್ನು ಬದುಕಿಸಿಕೊಡಿ ಎಂದು ಆಸ್ಪತ್ರೆ ಮುಂದೆ ಕಣ್ಣಿರಿಡುತ್ತಾ ಕಂಡವರ ಕೈ ಮುಗಿದು ವಿನಂತಿ ಮಾಡಿದ್ದಾರೆ.