ಕಕ್ಕೇರಾ: ಕಾಮಗಾರಿ ಪೂರ್ಣಗೊಂಡು ವರ್ಷ ಕಳೆದರೂ ಜೈವಿಕ ಇಂಧನ ಆಡಳಿತಾತ್ಮಕ ಕಚೇರಿ ಇನ್ನೂ ಉದ್ಘಾಟನೆಗೊಂಡಿಲ್ಲ. ಆದರೂ ಅಧಿಕಾರಿಗಳು ರೈತರಿಗೆ ಕಣ್ತಪಿಸಿ ಕಚೇರಿಯೊಳಗೆ ಎಲ್ಲಾ ಕಾರ್ಯಗಳು ಸದ್ದಿಲ್ಲದೆ ನಡೆಸಿಕೊಂಡು ಬರಲಾಗುತ್ತಿದೆ.
Advertisement
ತಿಂಥಣಿ ಗ್ರಾಮದ ಬಳಿ ಇರುವ ರಾಜ್ಯದ ಎರಡನೇ ಜೈವಿಕ ಇಂಧನ ಪಾರ್ಕ್‌ನಲ್ಲಿ ಸ್ಥಾಪಿಸಲಾಗಿರುವ ಆಡಳಿತ ಕಚೇರಿ ಕಟ್ಟಡದ ಸ್ಥಿತಿ ಇದು.
Related Articles
Advertisement
ಶಾಲಾ ಮಕ್ಕಳಿಗೂ ಜೈವಿಕ ಅರಿವು: ಈ ಭಾಗದ ಬಹುತೇಕ ಶಾಲಾ ವಿದ್ಯಾರ್ಥಿಗಳಿಗೂ ಜೈವಿಕ್‌ ಇಂಧನದ ಬಗ್ಗೆ ಹಾಗೂ ಸಸ್ಯಗಳ ಕುರಿತು ಅರಿವು ಮೂಡಿಸಬೇಕಿರುತ್ತದೆ. ಜೈವಿಕ್‌ ಇಂಧನ ಪಾರ್ಕ್‌ಗೆ ಭೇಟಿ ನೀಡಿದಾಗ ಆಡಳಿತಾತ್ಮಕ ಅಧಿಕಾರಿಗಳು ಶಾಲಾ ಮಕ್ಕಳಿಗೆ ಸಂಪೂರ್ಣ ಮಾಹಿತಿಯು ನೀಡಬೇಕಿದ್ದು, ಕಚೇರಿಯಲ್ಲಿ ಅಧಿಕಾರಿಗಳು ತಮಗೆ ತಿಳಿದಾಗ ಬರುವುದರಿಂದ ವಿದ್ಯಾರ್ಥಿಗಳಿಗೆ ಮಾಹಿತಿ ಸಿಗುತ್ತಿಲ್ಲ ಎಂಬ ಇಲ್ಲಿನ ಜನರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ರೈತರಿಗೆ ಪ್ರಯೋಜನಗಳೇನು?: ಕಚೇರಿ ಉದ್ಘಾಟನೆ ನಂತರ ಇಲ್ಲಿ ರೈತರಿಗೆ ತರಬೇತಿ ನೀಡಲಾಗುತ್ತಿದೆ. ತರಬೇತಿ ಪಡೆದ ರೈತರು ತಮ್ಮ ಪಾಳು ಬಿದ್ದ ಜಮೀನು ಅಥವಾ ಜಮೀನುಗಳ ಬದುವಿನಲ್ಲಿ ಜೈವಿಕ ಇಂಧನ ಸಸಿಗಳು ಬೆಳೆಯಬಹುದಾಗಿದೆ. ರೈತರ ಬೆಳೆ ಜೈವಿಕ ಬೀಜಗಳನ್ನು ನೇರವಾಗಿ ಕಚೇರಿಯಲ್ಲಿನ ಅಧಿಕಾರಿಗಳು ಅವುಗಳ ಖರೀದಿ ಮಾಡಿಕೊಳ್ಳಬೇಕಿರುತ್ತದೆ. ರೈತರ ಅಭಿವೃದ್ಧಿ ಜತೆಗೆ ಈ ಭಾಗದ ನಿರುದ್ಯೋಗವನ್ನು ಹೋಗಲಾಡಿಸಬಹುದಾಗಿದೆ. ಪರಿಸರ ಸ್ನೇಹಿ ಜೈವಿಕ ಇಂಧನ ಪಾರ್ಕ್‌ ಅಭಿವೃದ್ಧಿಗೊಳಿಸುವ ನಿಟ್ಟಿನಲ್ಲಿ ಈಗಾಗಲೇ ಸಿದ್ಧಗೊಂಡಿರುವ ಆಡಳಿತ ಕಚೇರಿಯನ್ನು ಆದಷ್ಟು ಬೇಗ ಉದ್ಘಾಟಿಸಿ ಈ ಭಾಗದ ರೈತರಿಗೆ ತರಬೇತಿ ಸಿಕ್ಕು ಅಗತ್ಯ ಮಾಹಿತಿ ಅಧಿಕಾರಿಗಳಿಂದ ದೊರಕುವಂತಾಗಲಿ ಎಂಬುದು ಸಾರ್ವಜನಿಕರ ಒತ್ತಾಯವಾಗಿದೆ.
ಈ ಹಿಂದೇ ಉದ್ಘಾಟನೆ ಆಗಬೇಕಿತ್ತು. ಕೆಲ ಕಾರಣಾಂತರದಿಂದ ಹಾಗೇ ಮುಂದೂಡಬೇಕಾಯಿತು. ಅಗಸ್ಟ್‌ 10ರಂದು ಅಂತಾರಾಷ್ಟ್ರೀಯ ಜೈವಿಕ ಇಂಧನ ದಿನಾಚರಣೆ ಇರುವುದರಿಂದ ಅಂದೇ ಈ ಆಡಳಿತ ಕಚೇರಿ ಉದ್ಘಾಟಿಸಲಾಗುವುದು.•ಶ್ಯಾಮರಾವ್‌ ಕುಲಕರ್ಣಿ,
ಉಪ ಪ್ರಧಾನ ಅನ್ವೇಷಕರು,
ಜೈವಿಕ ಇಂಧನ ಪಾರ್ಕ್‌ ತಿಂಥಣಿ