ಹೈದರಾಬಾದ್: ಕಾಜಲ್ ಅಗರ್ವಾಲ್ ಅಂದರೆ ಕಣ್ಣೆದೆರು ಬರುವುದು ಮಾದಕ ಚೆಲುವು. ತನ್ನ ಚೆಲುವು ಮತ್ತು ನಟನೆಯಿಂದ ಭಾರತೀಯ ಚಿತ್ರರಂಗದಲ್ಲಿ ಸಾಧನೆ ಮಾಡಿದ ಕಾಜಲ್ ಅಗರ್ವಾಲ್ ಈಗ ಸಾಮಾಜಿಕ ಜಾಲತಾಣದಲ್ಲಿ ಹೊಸ ಫೋಟೋ ಹಂಚಿಕೊಂಡು ಸುದ್ದಿಯಾಗಿದ್ದಾರೆ.
ಅಂದಹಾಗೆ ಕಾಜಲ್ ಹಂಚಿಕೊಂಡ ಪೋಟೋ ಯಾವುದು ಅಂತ ಗೊತ್ತಾದರೆ ಒಂದು ಕ್ಷಣ ಬೆಚ್ಚಿ ಬೀಳ್ತೀರಾ. ತಾನು ಯಾವುದೇ ಮೇಕಪ್ ಹಾಕಿಕೊಳ್ಳದ ಪೋಟೋವನ್ನು ಕಾಜಲ್ ಅಗರ್ವಾಲ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇದೇ ಫೋಟೋ ಈಗ ಪ್ರಶಂಸೆಗೊಳಗಾಗಿದೆ.
ಸಾಮಾನ್ಯವಾಗಿ ನಟಿಯರು ಮೇಕಪ್ ಇಲ್ಲದೇ ಮನೆಯಿಂದ ಹೊರಬರುವುದಿಲ್ಲ. ಅದರಲ್ಲೂ ವಿದೌಟ್ ಮೇಕಪ್ ಪೋಟೋ ಹಂಚಿಕೊಳ್ಳುವುದಂತು ದೂರದ ಮಾತು. ಈ ವಿಷಯದಲ್ಲಿ ವಿಭಿನ್ನವಾಗಿ ಯೋಚಿಸಿದ ಕಾಜಲ್ ಮೇಕಪ್ ರಹಿತ ಫೋಟೋ ಹಾಕಿ, “ಮೇಕಪ್ ನಿಂದ ನಮ್ಮ ದೈಹಿಕ ಸೌಂದರ್ಯ ಹೆಚಿಸಬಹುದಷ್ಟೇ. ನಾವು ಹೇಗಿದ್ದೇವೋ ಹಾಗೆ ಪ್ರೀತಿಸುವುದು ನಮ್ಮ ನಿಜವಾದ ಸೌಂದರ್ಯ” ಎಂದು ಬರೆದುಕೊಂಡಿದ್ದಾರೆ.
ಕಾಜಲ್ ಅಗರ್ವಾಲ್ ಅವರ ಪೋಸ್ಟ್ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಮೆಚ್ಚುಗೆಗೆ ಪಾತ್ರವಾಗಿದೆ.
