Kadaba: ಮೇಯಲು ಬಿಟ್ಟ ದನದ ಕಾಲು ಕಡಿದ ವ್ಯಕ್ತಿ; ದೂರು

ಕಡಬ: ಮೇಯಲು ಬಿಟ್ಟಿದ್ದ ದನದ ಕಾಲಿಗೆ ಪಕ್ಕದ ಮನೆಯ ವ್ಯಕ್ತಿಯೋರ್ವ ಕತ್ತಿಯಿಂದ ಕಡಿದು ಗಂಭೀರ ಗಾಯಗೊಳಿಸಿದ ಘಟನೆ ರಾಮಕುಂಜ ಗ್ರಾಮದ ಕೊಂಡ್ಯಾಡಿಯಲ್ಲಿ ಸಂಭವಿಸಿದೆ. ಕೊಂಡ್ಯಾಡಿ ನಿವಾಸಿ ರಾಜೀವಿ ಎಂಬವರು ಕಡಬ ಪೊಲೀಸರಿಗೆ ದೂರು ನೀಡಿದ್ದಾರೆ.

ಡಿ.22ರಂದು ಮಧ್ಯಾಹ್ನ ದನವನ್ನು ತೋಟಕ್ಕೆ ಮೇಯಲು ಬಿಟ್ಟಿದ್ದು ಸಂಜೆಯಾದರೂ ಮರಳಿ ಮನೆಗೆ ಬಾರದೇ ಇದ್ದ ಹಿನ್ನೆಲೆಯಲ್ಲಿ ಹುಡುಕಾಡಿದಾಗ ಪಕ್ಕದ ಮನೆಯ ಅಬ್ಟಾಸ್‌ ಎಂಬವರ ತೋಟದಲ್ಲಿ ಕಾಲಿಗೆ ಗಂಭೀರ ಗಾಯವಾದ ಸ್ಥಿತಿಯಲ್ಲಿ ದನ ಕಂಡು ಬಂತು. ಈ ಬಗ್ಗೆ ಅವರಲ್ಲಿ ವಿಚಾರಿಸಿದಾಗ ನಾನೇ ದನದ ಕಾಲು ಕಡಿದಿರುವುದು. ನೀವು ಬರುವುದು ತಡವಾಗಿದ್ದರೆ ಮಾಂಸ ಮಾಡುತ್ತಿದ್ದೆ ಎಂದರು. ಅವರ ಮಾತಿನಿಂದ ಮಾನಸಿಕ ಅಘಾತವಾಗಿದ್ದು, ಆದಾಯದ ಮೂಲವಾಗಿದ್ದ ದನದ ಕಾಲು ಕಡಿದಿರುವುದರಿಂದ ನನಗೆ ತೊಂದರೆಯಾಗಿದೆ. ಹೀಗಾಗಿ ಆರೋಪಿ ಅಬ್ಬಾಸ್‌ನ ಮೇಲೆ ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಜರಗಿಸಬೇಕೆಂದು ಅವರು ದೂರಿನಲ್ಲಿ ತಿಳಿಸಿದ್ದಾರೆ. ಕಡಬ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.