K.S.C.A. Under-19 Cricket: ಮಂಗಳೂರು ವಲಯ ಚಾಂಪಿಯನ್‌

ಮಂಗಳೂರು: ಕರ್ನಾಟಕ ರಾಜ್ಯ ಕ್ರಿಕೆಟ್‌ ಸಂಸ್ಥೆಯ ಆಶ್ರಯದಲ್ಲಿ ಬೆಂಗಳೂರಿನಲ್ಲಿ ಜರಗಿದ ಅಂಡರ್‌-19 ಅಂತರ್‌ ವಲಯ ಕ್ರಿಕೆಟ್‌ ಪಂದ್ಯಾಟ ದಲ್ಲಿ ಮಂಗಳೂರು ವಲಯ ತಂಡವು ಚಾಂಪಿಯನ್‌ ಪಟ್ಟವನ್ನು ಅಲಂಕರಿಸಿದೆ. ಮಂಗಳೂರು ವಲಯ ತಂಡವು ಆಡಿದ ಐದು ಪಂದ್ಯಗಳಲ್ಲಿ ನಾಲ್ಕು ಪಂದ್ಯಗಳನ್ನು ಗೆದ್ದು 16 ಅಂಕ ಗಳಿಸಿತ್ತು.

ರಾಯಚೂರು ವಲಯವನ್ನು 4 ವಿಕೆಟ್‌, ಧಾರವಾಡ ವಲಯವನ್ನು 2 ವಿಕೆಟ್‌, ತುಮಕೂರು ವಲಯವನ್ನು 7 ವಿಕೆಟ್‌ ಅಂತರದಿಂದ, ಶಿವಮೊಗ್ಗ ವಲಯವನ್ನು 72 ರನ್‌ಗಳ ಅಂತರ ದಿಂದ ಸೋಲಿಸಿದರೆ, ಮೈಸೂರು ವಲಯದ ವಿರುದ್ಧ 98 ರನ್‌ಗಳ ಅಂತರದ ಸೋಲನ್ನು ಕಂಡಿತ್ತು.

ತಂಡದ ನಾಯಕ ಆಶೀಷ್‌ ಒಟ್ಟು 11 ವಿಕೆಟ್‌ ಪಡೆದು, 88 ರನ್‌ ಗಳಿಸಿದರು. ಜಯರಾಜ್‌ ಮುತ್ತು ತಂಡದ ಕೋಚ್‌ ಮತ್ತು ಉದಯ ಕಟಪಾಡಿ ತಂಡದ ಮೇನೇಜರ್‌ ಆಗಿದ್ದರು.

ತಂಡದಲ್ಲಿ ಆಶೀಷ್‌ ನಾಯಕ್‌ (ನಾಯಕ) ನಿಶ್ಚಿತ್‌ ಪೈ, ಪವನ್‌ ಮಡಿ ವಾಳ್‌, ನಿಖೀಲ್‌ ಐತಾಳ್‌, ರಿಷಬ್‌ ನಾಯಕ್‌, ಅಕ್ಷಯ್‌ ಕಾಮತ್‌ (ಎಲ್ಲರೂ ಉಡುಪಿ ಜಿಲ್ಲೆ), ರೋಹನ್‌ , ಆದಿತ್ಯ ಕೋಟ್ಯಾನ್‌, ವಿರಾಲ್‌ ಕೋಟ್ಯಾನ್‌, ಅಮೃತ್‌ ಪ್ರವೀಣ್‌, ಅಡೇನ್‌ ಮಾರ್ಕ್‌ ಡಿ’ಸೋಜಾ, ನಿಹಾಂಶ್‌, ಗಗನ್‌ ರಾವ್‌, ಪ್ರಥಮ್‌ (ಎಲ್ಲರೂ ದ.ಕ. ಜಿಲ್ಲೆ), ಶಾಶ್ವಿ‌ತ್‌ ಸೋಮಣ್ಣ (ಕೊಡಗು) ಇದ್ದರು.