Junior ಕುಸ್ತಿ: ರೋನಕ್‌ ದಹಿಯಾ ಸೆಮಿಫೈನಲ್‌ಗೆ

ಅಮ್ಮಾನ್‌ (ಜೋರ್ಡಾನ್‌): ಅಂಡರ್‌-17 ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ಗ್ರೀಕೋ ರೋಮನ್‌ ರೆಸ್ಲರ್‌ ರೋನಕ್‌ ದಹಿಯಾ ಸೆಮಿಫೈನಲ್‌ ಪ್ರವೇಶಿಸಿದ್ದಾರೆ.

ರೋನಕ್‌ 110 ಕೆಜಿ ವಿಭಾಗದಲ್ಲಿ ಸ್ಪರ್ಧೆಗೆ ಇಳಿದಿದ್ದರು. ಸೋಮವಾರದ ಸ್ಪರ್ಧೆಗಳಲ್ಲಿ ಅವರು ಆರ್ಥರ್‌ ಮನ್ವೇಲಿಯನ್‌ ಮತ್ತು ಡ್ಯಾನಿಲ್‌ ಮಸ್ಲಾಕೂ ಅವರನ್ನು ಮಣಿಸಿದರು. ಸೆಮಿಫೈನಲ್‌ನಲ್ಲಿ ಇವರ ಎದುರಾಳಿ ಹೆಂಗೇರಿಯ ಝೋಲ್ಟನ್‌ ಝಾಕೊ.

ಭಾರತದ ಉಳಿದ ಕುಸ್ತಿಪಟುಗಳಾದ ನಿಶಾಂತ್‌ ಫೋಗಾಟ್‌ (80 ಕೆಜಿ) ಅರ್ಹತಾ ಸುತ್ತಿನಲ್ಲಿ ಗೆದ್ದರೂ ಮೊದಲ ಸುತ್ತಿನಲ್ಲಿ ಮಾಲ್ಡೋವಾದ ನಿಕಿಟ ಅಪೊಲೊ ವಿರುದ್ಧ ಪರಾಭವಗೊಂಡರು. ಬಿಕಾಶ್‌ ಕಶ್ಯಪ್‌ (48 ಕೆಜಿ) ಕೂಡ ಯಶಸ್ಸು ಕಾಣಲಿಲ್ಲ.