ಜೂ|ವಿಶ್ವಕಪ್‌ ಹಾಕಿ: ಇಂಗ್ಲೆಂಡ್‌ ವಿರುದ್ಧ ಭಾರತಕ್ಕೆ ಸೋಲು

ಪೊಚೆಫ್ಸೂಮ್‌: ಮುಮ್ತಾಜ್‌ ಖಾನ್‌ ಅವರ ಅವಳಿ ಗೋಲುಗಳ ಹೊರತಾಗಿಯೂ ಭಾರತವು ಎಫ್ಐಎಚ್‌ ಜೂನಿಯರ್‌ ವಿಶ್ವಕಪ್‌ ಹಾಕಿ ಕೂಟದಲ್ಲಿ ಪೆನಾಲ್ಟಿ ಶೂಟೌಟ್‌ನಲ್ಲಿ ಇಂಗ್ಲೆಂಡ್‌ ತಂಡದೆದುರು 0-3 ಗೋಲುಗಳಿಂದ ಶರಣಾಗಿ ಕಂಚಿನ ಪದಕ ಗೆಲ್ಲಲು ವಿಫ‌ಲವಾಯಿತು.

ನಿಗದಿತ ಅವಧಿಯ ಆಟದ ವೇಳೆ ಉಭಯ ತಂಡಗಳು 2-2 ಸಮಬಲ ಸಾಧಿಸಿದ್ದವು. ಆದರೆ ಶೂಟೌಟ್‌ನಲ್ಲಿ ಭಾರತೀಯ ವನಿತೆಯರು ಗೋಲು ದಾಖಲಿಸಲು ವಿಫ‌ಲರಾದರೆ ಇಂಗ್ಲೆಂಡ್‌ 3 ಗೋಲು ಹೊಡೆದು ಕಂಚು ಜಯಿಸಿತು.

ಭಾರತವು ಈ ಹಿಂದೆ ಜರ್ಮನಿಯಲ್ಲಿ ನಡೆದ 2013ರ ಜೂನಿಯರ್‌ ವಿಶ್ವಕಪ್‌ನಲ್ಲಿ ಪೆನಾಲ್ಟಿ ಶೂಟೌಟ್‌ನಲ್ಲಿ ಇಂಗ್ಲೆಂಡ್‌ ತಂಡವನ್ನು ಸೋಲಿಸಿ ಚೊಚ್ಚಲ ಬಾರಿ ಕಂಚು ಜಯಿಸಿತ್ತು.