Devara: “ದೇವರ” ಲೋಕಕ್ಕೆ ಬಂದ ʼಭೈರಾʼನೆಂಬ ರಾಕ್ಷಸ; ಸೈಫ್‌ ಆಲಿಖಾನ್‌ ಫಸ್ಟ್‌ ಲುಕ್‌ ಔಟ್

ಹೈದರಾಬಾದ್: ಬಾಲಿವುಡ್‌ ನಟ ಸೈಫ್‌ ಆಲಿಖಾನ್‌ ಅವರಿಗೆ ಇಂದು (ಆ.16 ರಂದು) 53ನೇ ಹುಟ್ಟುಹಬ್ಬ ಸಂಭ್ರಮ. ಮೆಚ್ಚಿನ ನಟನಿಗೆ ಅಭಿಮಾನಿಗಳು ಹಾಗೂ ಬಿಟೌನ್‌ ಕ್ಲಬ್‌ ಶುಭಾಶಯವನ್ನು ಕೋರಿದೆ. ಈ ನಡುವೆ ಅವರ ಮುಂದಿನ ಸಿನಿಮಾದಲ್ಲಿನ ಫಸ್ಟ್‌ ಲುಕ್‌ ಗಳು ರಿಲೀಸ್‌ ಆಗಿವೆ.

ಜೂ.ಎನ್.ಟಿಆರ್‌ – ಕೊರಟಾಲ ಶಿವ ಕಾಂಬಿನೇಷನ್‌ ನ ‘ದೇವರ’ ಅನೌನ್ಸ್‌ ಆದ ದಿನದಿಂದಲೇ ದೊಡ್ಡಮಟ್ಟದಲ್ಲಿ ಸದ್ದು ಮಾಡಿದೆ. ಇದೊಂದು ಕಮರ್ಷಿಯಲ್ ಆ್ಯಕ್ಷನ್‌ ಬಿಗ್‌ ಬಜೆಟ್ ನ ಸಿನಿಮಾವಾಗಿದ್ದು, ಸಿನಿಮಾದಲ್ಲಿ “ಭೈರಾ” ಎನ್ನುವ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಸೈಫ್ ಆಲಿಖಾನ್‌ ಅವರ ಹುಟ್ಟುಹಬ್ಬದ‌ ಪ್ರಯುಕ್ತ‌ ʼದೇವರʼ ಚಿತ್ರತಂಡ ʼಭೈರಾ” ಪಾತ್ರದ ಫಸ್ಟ್‌ ಲುಕನ್ನು ರಿವೀಲ್‌ ಮಾಡಿದ್ದಾರೆ. ನಾಯಕ ನಟ ಜೂ.ಎನ್‌ ಟಿಆರ್‌ ಹಾಗೂ ಚಿತ್ರತಂಡ ಸೈಫ್‌ ಆಲಿಖಾನ್‌ ಅವರಿಗೆ ಬರ್ತ್‌ ಡೇ ವಿಶ್‌ ಮಾಡಿದ್ದಾರೆ.

ಉದ್ದ ಕೂದಲು ಬಿಟ್ಟು ಸೈಫ್‌ ರಗಡ್‌ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾದಲ್ಲಿ ಸೈಫ್‌ ವಿಲನ್‌ ಆಗಿ ಕಾಣಿಸಿಕೊಳ್ಳಲಿದ್ದಾರೆ.

“ದೇವರʼʼ ಚಿತ್ರದ ಚಿತ್ರೀಕರಣ ಮತ್ತೆ ಆರಂಭಗೊಂಡಿದ್ದು, ಸದ್ಯ ಆ್ಯಕ್ಷನ್‌ ದೃಶ್ಯಗಳು ಶೂಟ್‌ ಆಗುತ್ತಿದೆ ಎಂದು ವರದಿಯಾಗಿದೆ.

‘ದೇವರ’ ಚಿತ್ರದಲ್ಲಿ ಜೂನಿಯರ್ ಎನ್‌ಟಿಆರ್, ಸೈಫ್ ಅಲಿ ಖಾನ್ ಮತ್ತು ಜಾಹ್ನವಿ ಕಪೂರ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಯುವಸುಧಾ ಆರ್ಟ್ಸ್ ಮತ್ತು ಎನ್.ಟಿಆರ್‌ ಆರ್ಟ್ಸ್ ಈ ಚಿತ್ರವನ್ನು ನಿರ್ಮಿಸಿದ್ದು, ನಂದಮೂರಿ ಕಲ್ಯಾಣ್ ರಾಮ್ ಅವರು ಪ್ರಸ್ತುತಪಡಿಸಿದ್ದಾರೆ. ಮೊದಲೇ ಘೋಷಿಸಿದಂತೆ, ‘ದೇವರ’ ಏಪ್ರಿಲ್ 5, 2024 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.

ಅನಿರುದ್ಧ್ ರವಿಚಂದರ್ ಚಿತ್ರಕ್ಕೆ ಮ್ಯೂಸಿಕ್‌ ನೀಡಲಿದ್ದು,ಕಲಾ ನಿರ್ದೇಶಕ ಸಾಬು ಸಿರಿಲ್ ಮತ್ತು ಶ್ರೀಕರ್ ಪ್ರಸಾದ್  ಅವರ ಸಂಕಲನಕಾರ  ಚಿತ್ರಕ್ಕಿರಲಿದೆ.