ಜೂ. ವಿಶ್ವಕಪ್‌ ಶೂಟಿಂಗ್‌ ಇಳವೆನಿಲ್‌ಗೆ ಬಂಗಾರ

ಹೊಸದಿಲ್ಲಿ: ಭಾರತದವರೇ ಆದ ಮೆಹುಲಿ ಘೋಷ್‌ ಅವರನ್ನು ಪರಾಭವಗೊಳಿಸುವ ಮೂಲಕ ಇಳವೆನಿಲ್‌ ವಲರಿವನ್‌ ಜೂನಿಯರ್‌ ವಿಶ್ವಕಪ್‌ ಶೂಟಿಂಗ್‌ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ.

ಜರ್ಮನಿಯ ಸುಹ್ಲನಲ್ಲಿ ನಡೆಯುತ್ತಿರುವ ಈ ಕೂಟದ 10 ಮೀ. ಏರ್‌ ರೈಫ‌ಲ್‌ ಫೈನಲ್‌ನಲ್ಲಿ ಇಳವೆನಿಲ್‌ 251.6 ಅಂಕಗಳೊಂದಿಗೆ ಚಿನ್ನಕ್ಕೆ ಗುರಿ ಇರಿಸಿದರು. ಮೆಹುಲಿ 250.2 ಅಂಕಗಳೊಂದಿಗೆ ಬೆಳ್ಳಿ ಪದಕ ಗೆದ್ದರು.

ಭಾರತ 6 ಚಿನ್ನ, 6 ಬೆಳ್ಳಿ, 2 ಕಂಚಿನ ಪದಕಗಳೊಂದಿಗೆ ಅಗ್ರಸ್ಥಾನ ಅಲಂಕರಿಸಿದೆ. ಚೀನ 2ನೇ ಸ್ಥಾನದಲ್ಲಿದೆ.