ಪತ್ರಕರ್ತ ಶೇಖರ್‌ ಗುಪ್ತಾಗೆ ಬೆಂಗಳೂರು ಕ್ಲಬ್‌ ಅವಮಾನ

ಬೆಂಗಳೂರು: ಕುರ್ತಾ, ಪೈಜಾಮಾ ಧರಿಸಿದ್ದ ಕಾರಣಕ್ಕೆ ಹಿರಿಯ ಪತ್ರಕರ್ತ ಶೇಖರ್‌ ಗುಪ್ತಾ ಅವರನ್ನು ಪ್ರತಿಷ್ಠಿತ ಬೆಂಗಳೂರು ಕ್ಲಬ್‌ನಿಂದ ಆಚೆ ಹಾಕಲಾಗಿದೆ. ಈ ಬಗ್ಗೆ ಸ್ವತಃ ಶೇಖರ್‌ ಗುಪ್ತಾ ಅವರೇ ಟ್ವೀಟ್‌ ಮಾಡಿದ್ದಾರೆ.

19ನೇ ಶತಮಾನದಲ್ಲಿಯೂ ಭಾರತದ ಶ್ರೀಮಂತ ವರ್ಗ ಹೇಗೆ ಜೀವಿಸುತ್ತಿದೆ ಎಂಬುದನ್ನು ಇದೇ ಮೊದಲ ಬಾರಿಗೆ ನೋಡಿದೆ ಎಂದು ಆಘಾತ ವ್ಯಕ್ತಪಡಿಸಿದ್ದಾರೆ. ಕ್ಲಬ್‌ನಲ್ಲಿ ಇದ್ದ ಇತರೆ ಪುರುಷರಿಗಿಂತಲೂ ತಾವೇ ಚೆನ್ನಾಗಿ ಬಟ್ಟೆ ಧರಿಸಿದ್ದಾಗಿಯೂ ಬರೆದುಕೊಂಡಿದ್ದಾರೆ.

ಇದು ಕೇವಲ ಶೇಖರ್‌ ಗುಪ್ತಾ ಅವರಿಗಾದ ಅವಮಾನವಲ್ಲ, ಈ ಹಿಂದೆಯೂ ಬೆ.ಸು.ನಾ. ಮಲ್ಯ ಎಂಬ ಹಿರಿಯ ಪತ್ರಕರ್ತರನ್ನು ಚಪ್ಪಲಿ ಧರಿಸಿ ಬಂದಿದ್ದರು ಎಂಬ ಕಾರಣಕ್ಕೆ ಪಂಚತಾರಾ ಹೋಟೆಲ್‌ವೊಂದರಿಂದ ಹೊರಗೆ ಹಾಕಲಾಗಿತ್ತು.