ಗುಜರಾತ್; 24 ಗಂಟೆಗಳಲ್ಲಿ 6 ಮಂದಿ ಕಾಂಗ್ರೆಸ್ ಶಾಸಕರಿಂದ ರಾಜೀನಾಮೆ!

ಅಹಮದಾಬಾದ್‌: ಬಿಹಾರದಲ್ಲಿ ಮಹಾಮೈತ್ರಿ ಮುರಿದುಬಿದ್ದ ಬೆನ್ನಲ್ಲೇ ಗುಜರಾತ್ ನಲ್ಲಿ ಕಾಂಗ್ರೆಸ್ ಶಾಸಕರ ರಾಜೀನಾಮೆ ಪರ್ವ ಶುಕ್ರವಾರವೂ ಮುಂದುವರಿದಿದೆ. ವಿಧಾನಸಭಾ ಸ್ಪೀಕರ್ ಗೆ ಇಂದು ಮೂವರು ಕಾಂಗ್ರೆಸ್ ಶಾಸಕರು ರಾಜೀನಾಮೆ ಸಲ್ಲಿಸುವ ಮೂಲಕ ಒಟ್ಟು 6 ಕಾಂಗ್ರೆಸ್ ಶಾಸಕರು ರಾಜೀನಾಮೆ ನೀಡಿದಂತಾಗಿದೆ.

ಮನ್ ಸಿನ್ನಾ ಚೌಹಾಣ್ ಮತ್ತು ಚನ್ನಾ ಚೌಧರಿ ಅವರು ಸ್ಪೀಕರ್ ರಮಣ್ ಲಾಲ್ ವೋರಾ ಅವರಿಗೆ ರಾಜೀನಾಮೆ ಪತ್ರ ನೀಡಿದ್ದಾರೆ.

ಕೇಂದ್ರದ ಮಾಜಿ ಸಚಿವ ಶಂಕರ್‌ ಸಿಂಗ್‌ ವಘೇಲಾರ ಬೆಂಬಲಿಗ ಮೂವರು ಶಾಸಕರು  ಕಾಂಗ್ರೆಸ್‌ಗೆ ಗುರುವಾರ ರಾಜೀನಾಮೆ ನೀಡಿ, ಬಿಜೆಪಿಗೆ ಸೇರ್ಪಡೆಯಾಗಿದ್ದರು. ಬಲ್ವಂತ್‌ ಸಿಂಗ್‌ ರಜಪೂತ್‌, ತೇಜಶ್ರೀಬೆನ್‌ ಪಟೇಲ್‌ ಹಾಗೂ ಪ್ರಲ್ಹಾದ್‌ ಪಟೇಲ್‌ ರಾಜೀನಾಮೆ ನೀಡಿದ್ದರು.

182 ಸದಸ್ಯರ ಬಲದ ಗುಜರಾತ್‌ ವಿಧಾನಸಭೆಯಲ್ಲಿ ಕಾಂಗ್ರೆಸ್‌ ಬಲ ಈಗ 51ಕ್ಕೆ ಕುಸಿದಿದೆ. ಇದರಿಂದ ಅಹ್ಮದ್ ಪಟೇಲ್‌ ರಾಜ್ಯಸಭೆ ಪ್ರವೇಶಕ್ಕೂ ಸಂಕಷ್ಟ ಉಂಟಾಗಿದೆ. ಅವರಿಗೆ ಒಟ್ಟು 47 ಶಾಸಕರ ಬೆಂಬಲ ಬೇಕು.