ಜಮ್ಮು ಕಾಶ್ಮೀರ ತಂಡಕ್ಕೆ ಇರ್ಫಾನ್‌ ಪಠಾಣ್‌ ಕೋಚ್‌

ಹೊಸದಿಲ್ಲಿ: ಭಾರತ ತಂಡದ ಮಾಜಿ ಆಲ್‌ರೌಂಡರ್‌ ಇರ್ಫಾನ್‌ ಪಠಾಣ್‌ ಜಮ್ಮು ಕಾಶ್ಮೀರ ಕ್ರಿಕೆಟ್‌ ತಂಡದ ಕೋಚ್‌ ಕಮ್‌ ಮೆಂಟರ್‌ ಆಗಿ ಆಯ್ಕೆಯಾಗಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯಿಸಿದ ಜಮ್ಮು ಕಾಶ್ಮೀರ ಕ್ರಿಕೆಟ್‌ ಸಂಸ್ಥೆ ಸಿಇಒ ಆಶಿಕ್‌ ಬುಖಾರಿ, 2018-19ನೇ ಆವೃತ್ತಿಯಲ್ಲಿ ರಾಜ್ಯ ತಂಡಕ್ಕೆ ಕೋಚ್‌ ಮತ್ತು ಮೆಂಟರ್‌ ಆಗಿ ಇರ್ಫಾನ್‌ ಪಠಾಣ್‌ ಕಾರ್ಯ ನಿರ್ವಹಿಸಲಿದ್ದಾರೆ ಎಂದು ತಿಳಿಸಿದ್ದಾರೆ.

33 ವರ್ಷದ ಪಠಾಣ್‌ ಭಾರತ ತಂಡದ ಪರ 29 ಟೆಸ್ಟ್‌, 120 ಏಕದಿನ ಮತ್ತು 24 ಟಿ20 ಪಂದ್ಯವನ್ನು ಆಡಿದ್ದಾರೆ. ಟೆಸ್ಟ್‌ನಲ್ಲಿ 1 ಶತಕ, 6 ಅರ್ಧ ಶತಕ ಸೇರಿದಂತೆ 1,105 ರನ್‌ ಬಾರಿಸಿದ್ದಾರೆ, 100 ವಿಕೆಟ್‌ ಪಡೆದಿದ್ದಾರೆ. ಏಕದಿನಲ್ಲಿ 5 ಅರ್ಧ ಶತಕ ಸೇರಿದಂತೆ 1,544 ರನ್‌ ಬಾರಿಸಿ, 173 ವಿಕೆಟ್‌ ಉರುಳಿಸಿದ್ದಾರೆ. ಟಿ20ಯಲ್ಲಿ 172 ರನ್‌ ಗಳಿಸಿ, 28 ವಿಕೆಟ್‌ ಪಡೆದಿದ್ದಾರೆ. ಬರೋಡಾ ರಣಜಿ ತಂಡದ ಪದ ಎರಡು ಋತುಗಳಲ್ಲಿ ನಾಯಕನಾಗಿ ಕಾರ್ಯ ನಿರ್ವಹಿಸಿದ ಹೆಗ್ಗಳಿಕೆ ಹೊಂದಿದ್ದಾರೆ.