ಅನಂತನಾಗ್‌ ಜಿಲ್ಲೆಯಲ್ಲಿ ಉಗರಿಂದ ಪಿಡಿಪಿ ಕಾರ್ಯಕರ್ತನ ಹತ್ಯೆ

ಶ್ರೀನಗರ : ಜಮ್ಮು ಕಾಶ್ಮೀರದ ಅನಂತನಾಗ್‌ ಜಿಲ್ಲೆಯಲ್ಲಿ ಇಂದು ಶನಿವಾರ ಪೀಪಲ್ಸ್‌ ಡೆಮೋಕ್ರಾಟಿಕ್‌ ಪಕ್ಷದ (ಪಿಡಿಪಿ) ಕಾರ್ಯಕರ್ತ ಮೊಹಮ್ಮದ್‌ ಇಶಾಕ್‌ ಪಾರೇ ಎಂಬವರನ್ನು ಅಪರಿಚಿತ ಉಗ್ರರು ಗುಂಡಿಕ್ಕಿ ಸಾಯಿಸಿದ್ದಾರೆ.

ಅನಂತನಾಗ್‌ ಜಿಲ್ಲೆಯ ದಿಯಾಲ್‌ಗಾಂವ್‌ನ ಉಗ್‌ಜಾನ್‌ ಗ್ರಾಮದ ನಿವಾಸಿಯಾಗಿರುವ ಪಿಡಿಪಿ ಕಾರ್ಯಕರ್ತ ಪಾರೇ ಅವರನ್ನು ಉಗ್ರರು ಅವರ ಮನೆಯ ಸಮೀಪವೇ ಗುಂಡಿಕ್ಕಿ ಸಾಯಿಸಿದರು. 

ಗುಂಡೇಟಿನಿಂದ ತೀವ್ರ ಗಾಯಗೊಂಡಿದ್ದ ಪಾರೇ ಅವರನ್ನು ಒಡನೆಯೇ ಸಮೀಪದ ಆಸ್ಪತ್ರೆಗೆ ಒಯ್ಯಲಾಯಿತಾದರೂ ಅವರು ಅದಾಗಲೇ ಮೃತಪಟ್ಟಿರುವುದಾಗಿ ವೈದ್ಯರು ಘೊಷಿಸಿದರು.