Jammu- Kashmir: ಆಯ್ಕೆಯಾಗಿ 2 ತಿಂಗಳಾದ್ರೂ ಶಾಸಕರಿಗೆ ಮೊದಲ ವೇತನ ಸಿಕ್ಕಿಲ್ಲ!

ಶ್ರೀನಗರ: ಜಮ್ಮು-ಕಾಶ್ಮೀರ ಕೇಂದ್ರಾಡಳಿತ ಪ್ರದೇಶದ ವಿಧಾನಸಭೆಗೆ ಆಯ್ಕೆಯಾಗಿರುವ ನೂತನ ಶಾಸಕರಿಗೆ ಇನ್ನೂ ಮೊದಲ ವೇತನವೇ ಲಭ್ಯವಾಗಿಲ್ಲ. ಈಗಾಗಲೇ ಇಲ್ಲಿ ಚುನಾವಣೆ ನಡೆದು 2 ತಿಂಗಳಿಗಿಂತಲೂ ಹೆಚ್ಚು ಸಮಯವಾಗಿದೆ.

ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡಿದ್ದ 370ನೇ ವಿಧಿ ರದ್ದಾದ ಬಳಿಕವೂ ಆಡಳಿತಾತ್ಮಕ ಕೆಲಸಗಳು ಸಂಪೂರ್ಣವಾಗಿಲ್ಲದ ಕಾರಣ, ವೇತನ ನೀಡಿಕೆ ಸಮಸ್ಯೆ ಪರಿಹಾರ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ಮೂಲಗಳು ತಿಳಿಸಿವೆ.

ಈ ಬಗ್ಗೆ ಸ್ಪೀಕರ್‌ ಅಬ್ದುಲ್‌ ರಹೀಮ್‌ ರಾಥರ್‌ ಗಮನ ಸೆಳೆದಿದ್ದು, ಇಷ್ಟು ದಿನವಾದರೂ ಶಾಸಕರಿಗೆ ಏಕೆ ವೇತನ ನೀಡಲಾಗಿಲ್ಲ. ಸಮಸ್ಯೆಯೇನು ಎಂಬುದರ ವಿವರ ಕೊಡಿ ಎಂದು ಸರಕಾರಕ್ಕೆ ಪತ್ರ ಬರೆದಿದ್ದಾರೆ.