ಮಲಗಿದ್ದವಳ ಮೇಲೆ ಕಿಟಕಿಯಿಂದ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ ಪಾತಕಿ!

ರಾಂಚಿ: ಇತ್ತೀಚೆಗೆ ಜಾರ್ಖಂಡ್‌ನ‌ ದುಮ್ಕಾ ನಗರದಲ್ಲಿ ಪ್ರೀತಿಗೆ ಒಪ್ಪದ 19 ವರ್ಷದ ಯುವತಿಯನ್ನು ಬೆಂಕಿ ಹಚ್ಚಿ ಸಾಯಿಸಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದು, ಆ ವೇಳೆ ಆತ ನಗುತ್ತಿದ್ದ ವಿಡಿಯೋ ಎಲ್ಲೆಡೆ ಹರಿದಾಡಿದೆ.

ತಪ್ಪಿತಸ್ಥ ಭಾವನೆ ಇಲ್ಲದ ಆರೋಪಿಯ ಕುಹಕ ನಗೆಯು ಹಲವರ ಆಕ್ರೋಶಕ್ಕೆ ಕಾರಣವಾಗಿದೆ. ಶಾರುಖ್‌ ಹೆಸರಿನ ಆರೋಪಿಯು ಕಳೆದ ಮಂಗಳವಾರ ಯುವತಿ ಮಲಗಿದ್ದ ಕೋಣೆಯ ಕಿಟಕಿಯಿಂದ ಯುವತಿಯ ಮೇಲೆ ಪೆಟ್ರೋಲ್‌ ಸುರಿದು ಬೆಂಕಿ ಹಚ್ಚಿದ್ದಾನೆ.

ದೇಹದ ಶೇ.90 ಭಾಗ ಸುಟ್ಟಿದ್ದ ಯುವತಿಯು ಭಾನುವಾರ ಸಾವನ್ನಪ್ಪಿದ್ದಾಳೆ. ಅದರ ಬೆನ್ನಲ್ಲೇ ಆರೋಪಿಯನ್ನು ಬಂಧಿಸಲಾಗಿದೆ. ಪೊಲೀಸರು ಶಾರುಖ್‌ನನ್ನು ಜೀಪಿನತ್ತ ಕರೆತರುತ್ತಿದ್ದಾಗ ಆತ ನಕ್ಕಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ.