ಉದ್ಘಾಟನೆಯಾದ 22 ಗಂಟೆಗಳಲ್ಲಿ ಕುಸಿದ ಕಾಲುವೆ

ರಾಂಚಿ: 2,176 ಕೋಟಿ ರೂ. ವೆಚ್ಚದಲ್ಲಿ 42 ವರ್ಷಗಳ ಕಾಲ ನಿರ್ಮಾಣಗೊಂಡ ಕಾಲುವೆ ಉದ್ಘಾಟನೆಯಾದ 24 ಗಂಟೆಗಳಲ್ಲಿ ಕುಸಿದಿದೆ. ಜಾರ್ಖಂಡ್‌ನ‌ ಬಿಷ್ಣುಗರ್‌ನ ಹಜಾರಿಬಾಗ್‌ನಲ್ಲಿ ಪ್ರವಾಹ ತಡೆಯುವ ನಿಟ್ಟಿನಲ್ಲಿ ಈ ಕಾಲುವೆ ನಿರ್ಮಿಸಲಾಗಿತ್ತು. ಇದು ಅರಂಭವಾದಾಗ ಅಂದಾಜು ವೆಚ್ಚ 12 ಕೋಟಿ ರೂ ಇತ್ತು. ಕಾಮಗಾರಿ ಮುಗಿಯುವ ವೇಳೆ 2,176 ಕೋಟಿಗೆ ತಲುಪಿತು. ಬುಧವಾರವಷ್ಟೇ ಅದ್ಧೂರಿ ಸಮಾರಂಭದಲ್ಲಿ ಸಿಎಂ ರಘುಬರ್‌ ದಾಸ್‌ ಇದನ್ನು ಉದ್ಘಾಟಿಸಿದ್ದರು. ಇದಾದ 22 ಗಂಟೆಗಳಲ್ಲಿ ಇದು ಕುಸಿದಿದೆ.

ಇಲಿಗಳು ಹಲವಾರು ರಂಧ್ರಗಳನ್ನು ಮಾಡಿದ್ದವು ಇದಕ್ಕೆ ಸಿಮೆಂಟು ಪ್ಲಾಸ್ಟರ್‌ ಮಾಡದೇ ಇದ್ದ ಕಾರಣ ಈ ದುರಂತ ಸಂಭವಿಸಿದೆ ಎಂದು ಸರಕಾರದ ಇಲಾಖೆಗಳು ಗುತ್ತಿಗೆದಾರರನ್ನು ದೂರಿವೆ.