“ಸ್ಮತಿ ಆಂಟಿ’ಎಂದ ಜಾಹ್ನವಿ

ಮುಂಬಯಿ: ಇತ್ತೀಚೆಗೆ ಕೇಂದ್ರ ಸಚಿವೆ ಸ್ಮತಿ ಇರಾನಿಯವರನ್ನು ಭೇಟಿಯಾಗಿದ್ದ ನಟಿ ಶ್ರೀದೇವಿ ಪುತ್ರಿ ಜಾಹ್ನವಿಕಪೂರ್‌, ಸ್ಮತಿಯವರನ್ನು ಆಂಟಿ ಎಂದು ಕರೆದಿದ್ದರಂತೆ. ಇದಕ್ಕಾಗಿ ಜಾಹ್ನವಿ ಅನಂತರ ಕ್ಷಮೆಯನ್ನೂ ಕೇಳಿದ್ದಾರೆ.

ಈ ಬಗ್ಗೆ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿಕೊಂಡಿರುವ ಸ್ಮತಿ ಈಗಿನ ಕಾಲದ ಮಕ್ಕಳು ಏನೇನನ್ನೋ ಮಾತನಾಡಿಬಿಡುತ್ತವೆ ಎಂದಿದ್ದಾರೆ. ಅಷ್ಟೇ ಅಲ್ಲ, ಆಕೆ ಆಂಟಿ ಎಂದು ಕರೆದಿದ್ದಕ್ಕೆ ನಾನು ಕ್ಷಮಿಸುತ್ತೇನೆ ಎಂದೂ ಸ್ಮತಿ ಹೇಳಿದ್ದಾರೆ. ಅಂದಹಾಗೆ, ಈ ಹಿಂದೆ ದಿನಪತ್ರಿಕೆಯೊಂದರಲ್ಲಿ ಸ್ಮತಿಯನ್ನು ಆಂಟಿ ಎಂದು ಉಲ್ಲೇಖೀಸಿದ್ದು ತೀವ್ರ ವಿವಾದಕ್ಕೀಡಾಗಿತ್ತು.