PM ಆಗುವ ಎಲ್ಲಾ ಅರ್ಹತೆ ನಿತೀಶ್ ಕುಮಾರ್ ರಿಗೆ ಇದೆ, ಆದರೆ..: ಜೆಡಿಯು ನಾಯಕ ತ್ಯಾಗಿ

ಹೊಸದಿಲ್ಲಿ: ”ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರಿಗೆ ಪ್ರಧಾನಿ ಹುದ್ದೆಗೆ ಅಗತ್ಯವಿರುವ ಎಲ್ಲಾ ಸಾಮರ್ಥ್ಯಗಳಿವೆ.ಆದರೆ ಜೆಡಿಯುಗೆ ಪ್ರಧಾನಿ ಹುದ್ದೆ ಮುಖ್ಯವಲ್ಲ” ಎಂದು ಜೆಡಿಯು ನಾಯಕ ಕೆ.ಸಿ. ತ್ಯಾಗಿ ಸೋಮವಾರ ಹೇಳಿಕೆ ನೀಡಿದ್ದಾರೆ.

ನಿತೀಶ್ ಕುಮಾರ್, ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ಟಿಎಂಸಿ ನಾಯಕಿ, ಪಶ್ಚಿಮ ಬಂಗಳ ಸಿಎಂ ಮಮತಾ ಬ್ಯಾನರ್ಜಿ ಮತ್ತು ಎನ್ ಸಿಪಿ ನಾಯಕ ಶರದ್ ಪವಾರ್ ಅವರಿಗೆ ಪ್ರಧಾನಿಯಾಗುವ ಸಾಮರ್ಥ್ಯವಿದೆ ಎಂದು ತ್ಯಾಗಿ ಹೇಳಿದರು.

”ಪ್ರಧಾನಮಂತ್ರಿ ಅಥವಾ ಇಂಡಿಯಾ ಮೈತ್ರಿಕೂಟದ ಸಂಚಾಲಕ ಹುದ್ದೆಯ ಮೇಲೆ ಜೆಡಿಯು ಕಣ್ಣಿಲ್ಲ. ನಮಗೆ ವಿರೋಧ ಪಕ್ಷಗಳ ಒಗ್ಗಟ್ಟು ಮತ್ತು 2024ರ ಚುನಾವಣೆ ಮುಖ್ಯ. ನಾವು ಪ್ರಧಾನಮಂತ್ರಿ ಹುದ್ದೆಗೆ ಅಥವಾ ಸಂಚಾಲಕ ಹುದ್ದೆಗೆ ಸ್ಪರ್ಧಿಗಳಲ್ಲ”ಎಂದು ಹೇಳಿದ್ದಾರೆ.