ಮುಂಬಯಿ: ಕಿಂಗ್‌ ಖಾನ್ ಶಾರುಖ್‌ ಖಾನ್ ಅಭಿನಯದ ʼಜವಾನ್ʼ ಸಿನಿಮಾ ಇಂದು (ಸೆ.7 ರಂದು) ವಿಶ್ವದಾದ್ಯಂತ ತೆರೆಕಂಡಿದೆ. ಅಂದುಕೊಂಡಂತೆ ಸಿನಿಮಾಕ್ಕೆ ಭರ್ಜರಿ ರೆಸ್ಪಾನ್ಸ್ ವ್ಯಕ್ತವಾಗಿದೆ. ಮಧ್ಯರಾತ್ರಿಯಿಂದಲೇ ಶಾರುಖ್‌ ಅಭಿಮಾನಿಗಳು ಬಿಗ್‌ ಸ್ಕ್ರೀನ್‌ ನಲ್ಲಿ ʼಜವಾನ್ʼ ನೋಡಲು ಸಾಲಾಗಿ ನಿಂತಿದ್ದಾರೆ. ಮಿಡ್‌ ನೈಟ್‌ ನಿಂದಲೇ ಶೋಗಳು ಆರಂಭವಾಗಿವೆ.
ಶಾರುಖ್‌ ಖಾನ್ ʼಪಠಾಣ್‌ʼ ಸಿನಿಮಾದ ಮೂಲಕ ಕಂಬ್ಯಾಕ್‌ ಮಾಡಿದ್ದಾರೆ. ಅದೇ ಜೋಶ್‌ ನಲ್ಲಿ ʼಜವಾನ್ʼ ರಿಲೀಸ್‌ ಆಗಿದೆ. ಸಿನಿಮಾವನ್ನು ಕಾಲಿವುಡ್‌ ಸೂಪರ್‌ ಹಿಟ್‌ ನಿರ್ದೇಶಕ ಅಟ್ಲಿ ನಿರ್ದೇಶನ ಮಾಡಿರುವುದು ಸಿನಿ ಪ್ರೇಕ್ಷಕರ ಕುತೂಹಲಕ್ಕೆ ಮತ್ತೊಂದು ಕಾರಣವೆಂದೇ ಹೇಳಬಹುದು.
ಶಾರುಖ್‌ ಖಾನ್ ಸಿನಿಮಾದಲ್ಲಿ ವಿಭಿನ್ನ ಹಾಗೂ ವಿವಿಧ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ದೇಶ ಉಳಿಸುವ ʼಜವಾನ್ʼ ಆಗಿ ಶಾರುಖ್‌ ಪ್ರೇಕ್ಷಕರಿಗೆ ಇಷ್ಟವಾದರೇ? ಹೇಗಿದೆ ಸಿನಿಮಾ? ನೋಡಿದವರ ಟ್ವಿಟರ್‌ ರಿವ್ಯೂ ನೋಡ್ಕೊಂಡು ಬರೋಣ ಬನ್ನಿ..
‘ಜವಾನ್’ ಒಬ್ಬ ವಿನ್ನರ್. ಅಟ್ಲೀ ಅವರು ಮಾಸ್ ಜಗತ್ತಿನಲ್ಲಿ ನಮ್ಮನ್ನು ಮನರಂಜಿಸುತ್ತಾರೆ. ಇದೊಂದು ಅಮೋಘ ಎಂಟರ್ಟೈನರ್. ನೋಡಲೇ ಬೇಕಾದ ಸಿನಿಮಾವೆಂದು ಒಬ್ಬರು ಟ್ವೀಟ್ ಮಾಡಿದ್ದಾರೆ. ಇದೊಂದು ಬ್ಲಾಕ್‌ ಬಸ್ಟರ್‌ ಸಿನಿಮಾವೆಂದಿದ್ದಾರೆ ಮತ್ತೊಬ್ಬರು.
ಭಾರತೀಯ ಸಿನಿಮಾರಂಗದಲ್ಲಿ ಇದುವರೆಗೆ ಮಾಡಿದ ಪರಿಪೂರ್ಣ ಆ್ಯಕ್ಷನ್ ಎಂಟರ್ಟೈನರ್. ವಿಎಫ್‌ ಎಕ್ಸ್ ಅತ್ಯುತ್ತಮ ಗುಣಮಟ್ಟವನ್ನು ಹೊಂದಿದೆ. ಚಿತ್ರದ ಕಥೆ ಅದ್ಭುತವಾಗಿದೆ. 2ನೇ ಹಾಫ್‌ ನಲ್ಲಿ ಅಸಲಿ ಮಜಾವಿದೆ ಎಂದು ಒಬ್ಬರು ಸಿನಿಮಾವನ್ನು ಮೆಚ್ಚಿಕೊಂಡು ಟ್ವೀಟ್ ಮಾಡಿದ್ದಾರೆ.
ಯಾವುದೇ ತಪ್ಪಿಲ್ಲದಿರುವ ಹೈ ಆ್ಯಕ್ಷನ್ ಎಂಟರ್ಟೈನರ್ ಆಗಿದೆ. ಇದು ಮಾಸ್ ಮತ್ತು ಕ್ಲಾಸ್ ಮಿಶ್ರಣವಾಗಿದ್ದು, ಕಿಂಗ್‌ ಖಾನ್ ಮಾಸ್ಟರ್‌ ಪೀಸ್‌ ನಟನೆ, ಅಟ್ಲಿ ನಿರ್ದೇಶನದಿಂದ ಸಿನಿಮಾ ಗಮನ ಸೆಳೆಯುತ್ತದೆ. ಅಟ್ಲಿ ಭಾರತೀಯ ಸಿನಿಮಾರಂಗದಲ್ಲಿ ಮುಂದಿನ ದೊಡ್ಡ ವಿಷಯವೆಂದು ಒಬ್ಬರು ಬರೆದುಕೊಂಡಿದ್ದಾರೆ.
ಸೂಪರ್‌ ಮ್ಯೂಸಿಕ್‌, ಕ್ಲಾಸ್ ನಟನೆ,ಅದ್ಭುತ ಡೈಲಾಗ್ಸ್‌, ಅಮೋಘ ದೃಶ್ಯದಿಂದ ʼಜವಾನ್ʼ ಪ್ರೇಕ್ಷಕರನ್ನು ಸೆಳೆದಿಟ್ಟುಕೊಳ್ಳುತ್ತದೆ ಎಂದು ಮತ್ತೊಬ್ಬರು ಬರೆದುಕೊಂಡಿದ್ದಾರೆ.
ಸಿನಿಮಾದಲ್ಲಿ ಖಳನಾಯಕನಾಗಿ ʼಕಾಳಿʼ ಪಾತ್ರದಲ್ಲಿ ವಿಜಯ್‌ ಸೇತುಪತಿ ಕಾಣಿಸಿಕೊಂಡಿದ್ದಾರೆ. ಇನ್ನು ಲೇಡಿ ಸೂಪರ್‌ ಸ್ಟಾರ್‌ ನಯನತಾರಾ ಅವರ ಪಾತ್ರಕ್ಕೂ ಶ್ಲಾಘನೆ ವ್ಯಕ್ತವಾಗಿದೆ.
