ಜಮ್ಮು ಮತ್ತು ಕಾಶ್ಮೀರ ಪೊಲೀಸರಿಂದ “ಅನ್‌ಟೋಲ್ಡ್‌ ಫೈಲ್ಸ್‌’ಬಿಡುಗಡೆ

ಹೊಸದಿಲ್ಲಿ: ಕಣಿವೆಯಲ್ಲಿ ಉಗ್ರರ ವಿರುದ್ಧದ ಹೋರಾಟದಲ್ಲಿ ಮಡಿದವರ ತ್ಯಾಗವನ್ನು ಗೌರವಿಸುವ “ಅನ್‌ಟೋಲ್ಡ್‌ ಕಾಶ್ಮೀರ್‌ ಫೈಲ್ಸ್‌’ ಎಂಬ ವೀಡಿಯೋವನ್ನು ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ಬಿಡುಗಡೆ ಮಾಡಿದ್ದಾರೆ.

ಅಷ್ಟೇ ಅಲ್ಲ, ಆ ವೀಡಿಯೋದಲ್ಲಿ ಉರ್ದು ಕವಿ ಫೈಜ್‌ ಅಹ್ಮದ್‌ ಫೈಜ್‌ ಅವರ ಕ್ರಾಂತಿಗೀತೆ “ಹಮ್‌ ದೇಖೇಂಗೆ’ಯನ್ನು ಕೂಡ ಸೇರಿಸಲಾಗಿದೆ. ಇತ್ತೀಚೆಗಷ್ಟೇ ಬದ್ಗಾಂನಲ್ಲಿ ಉಗ್ರರಿಂದ ಹತ್ಯೆಗೀಡಾದ ಪೊಲೀಸ್‌ ಅಧಿಕಾರಿ ಇಶ್ಫಾಕ್‌ ಅಹ್ಮದ್‌ ದರ್‌ ಮತ್ತು ಅವರ ಸಹೋದರ ಉಮರ್‌ ಅಹ್ಮದ್‌ರ ಮೃತದೇಹದ ಮುಂದೆ ಮಹಿಳೆಯರು ರೋದಿಸುತ್ತಿರುವ ವೀಡಿಯೋ ಕ್ಲಿಪ್‌ ಕೂಡ “ಅನ್‌ಟೋಲ್ಡ್‌ ಕಾಶ್ಮೀರ್‌ ಫೈಲ್ಸ್‌’ನಲ್ಲಿದೆ.

ಭಯೋತ್ಪಾದಕರು ಕಣಿವೆಯಲ್ಲಿ ನಡೆಸುತ್ತಿರುವ ದೌರ್ಜನ್ಯದ ವಿರುದ್ಧ ಧ್ವನಿಯೆತ್ತುವಂತೆ ಇದರಲ್ಲಿ ಕರೆ ನೀಡಲಾಗಿದೆ. ಎಲ್ಲ ಧರ್ಮೀಯರನ್ನೂ ಉಗ್ರರು ಟಾರ್ಗೆಟ್‌ ಮಾಡಿ ಕೊಂದಿದ್ದು, ಎಲ್ಲ ರೀತಿಯ ಮಾನವ ಹಕ್ಕು ಉಲ್ಲಂಘನೆಗಳನ್ನೂ ನಾವು ಖಂಡಿಸಬೇಕು ಎಂದು ವೀಡಿಯೋ ಮೂಲಕ ಪೊಲೀಸರು ಮನವಿ ಮಾಡಿದ್ದಾರೆ.