ಜಲ್ಲಿಕಟ್ಟು : ನಾಳೆ ಮದ್ರಾಸ್‌ ಹೈಕೋರ್ಟ್‌ ಕಲಾಪಕ್ಕೆ ವಕೀಲರ ಬಹಿಷ್ಕಾರ

ಚೆನ್ನೈ : ತಮಿಳು ನಾಡು ರಾಜ್ಯಾದ್ಯಂತ ಜಲ್ಲಿಕಟ್ಟು ನಿಷೇಧ ತೆರವಿಗಾಗಿ ಆಂದೋಲನ ನಡೆಯುತ್ತಿರುವಂತೆಯೇ ಮದ್ರಾಸ್‌ ಹೈಕೋರ್ಟಿನ ವಕೀಲರು ಬೆಂಬಲ ಸೂಚಿಸಿ ನಾಳೆ ಶುಕ್ರವಾರ ಕೋರ್ಟ್‌ ಕಲಾಪಕ್ಕೆ ಬಹಿಷ್ಕಾರ ಹಾಕಿದ್ದಾರೆ. 

ವಕೀಲರ ಸಂಘದ ಅಧ್ಯಕ್ಷ ಜಿ ಮೋಹನ ಕೃಷ್ಣನ್‌ ಅವರು “ನಾಳೆ ಶುಕ್ರವಾರದ ನಮ್ಮ ಕೋರ್ಟ್‌ ಕಲಾಪ ಬಹಿಷ್ಕಾರ ಜಲ್ಲಿಕಟ್ಟು ಕ್ರೀಡೆಗೆ ನಿಷೇಧ ಹೇರಿರುವ ಸುಪ್ರೀಂ ಕೋರ್ಟ್‌ ವಿರುದ್ಧ ಅಲ್ಲ; ಜಲ್ಲಿಕಟ್ಟು ವಿರೋಧಿಸುತ್ತಿರುವ ಪ್ರಾಣಿ ದಯಾ ಸಂಘ ಪೇಟಾ ವಿರುದ್ಧವಾಗಿದೆ’ ಎಂದು ಹೇಳಿದ್ದಾರೆ. 

ಈ ನಡುವೆ ಖ್ಯಾತ ಆಧ್ಯಾತ್ಮಿಕ ಸದ್ಗುರು ಜಗ್ಗಿ ವಾಸುದೇವ ಅವರು ಕೂಡ ಜಲ್ಲಿಕಟ್ಟು ನಿಷೇಧ ತೆರವಿನ ಆಂದೋಲನಕ್ಕೆ ಧುಮುಕಿದ್ದು  ರಾಜ್ಯದ ಈ ಸಾಂಪ್ರದಾಯಿಕ ಕ್ರೀಡೆಗೆ ನಿಷೇಧ ಹೇರಿರುವುದು ಸರಿಯಲ್ಲ ಎಂದು ಹೇಳಿದ್ದಾರೆ.