Karachi: ಜೈಲು ಮೇಲೆ ದಾಳಿ: 5 ಉಗ್ರರ ಹತ್ಯೆ

ಕರಾಚಿ: ಪಾಕಿಸ್ತಾನದ ಬಲೂಚಿಸ್ತಾನ ಪ್ರಾಂತ್ಯದ ಮಾಚ್‌ ಎಂಬ ಜೈಲಿನ ಮೇಲೆ ಉಗ್ರರ ದಾಳಿಯನ್ನು ವಿಫ‌ಲಗೊಳಿಸಲಾಗಿದೆ. ಈ ಕಾರ್ಯಾಚರಣೆಯಲ್ಲಿ ಕನಿಷ್ಠ 5 ಭಯೋತ್ಪಾದಕರನ್ನು ಕೊಲ್ಲಲಾಗಿದೆ. ಅವರು ಬಲೂಚಿಸ್ತಾನ ಲಿಬರೇಷನ್‌ ಆರ್ಮಿಗೆ ಸೇರಿದವರು.

ಸೋಮವಾರ ತಡರಾತ್ರಿ ಭಯೋತ್ಪಾದಕರು ಜೈಲಿನ ಮೇಲೆ 15 ರಾಕೆಟ್‌ಗಳನ್ನು ಉಡಾಯಿಸುವುದರ ಮೂಲಕ ದಾಳಿ ನಡೆಸಿದ್ದಾರೆ. ಸುದ್ದಿ ತಿಳಿಸಿದ ಕೂಡಲೇ ಪಾಕಿಸ್ತಾನ ಸೇನೆ ಮತ್ತು ಪೊಲೀಸರು ಉಗ್ರರ ವಿರುದ್ಧ ಕಾರ್ಯಾಚರಣೆ ನಡೆಸಿದರು. ಅಂತಿಮವಾಗಿ ದಾಳಿ ನಡೆಸಿದ 5 ಉಗ್ರರನ್ನು ಕೊಲ್ಲಲಾಯಿತು.