95ರ ಹರೆಯದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಜುಲಿಯನ್‌- ವಲೇರಿ ವಿಲಿಯಮ್ಸ್‌ ಜೋಡಿ

ಲಂಡನ್‌: ಪ್ರೀತಿಗೆ ವಯಸ್ಸಿಲ್ಲ ಎನ್ನುವ ಮಾತಿದೆ. ಆ ಮಾತನ್ನು ಬ್ರಿಟನ್‌ನ ಈ ನವ ದಂಪತಿ ನಿಜ ಮಾಡಿ ತೋರಿಸಿದ್ದಾರೆ.

95 ವರ್ಷದ ಜುಲಿಯನ್‌ ಮೊಯ್ಲೆ 23 ವರ್ಷಗಳ ಹಿಂದೆ ವಲೇರಿ ವಿಲಿಯಮ್ಸ್‌(84) ಹೆಸರಿನ ಮಹಿಳೆಯನ್ನು ಚರ್ಚ್‌ ಒಂದರಲ್ಲಿ ಭೇಟಿಯಾಗಿದ್ದರು. ಅಂದಿನಿಂದ ಅವರಿಬ್ಬರು ಸ್ನೇಹಿತರಾಗಿ ಬದುಕಿದ್ದಾರೆ.

ಈ ವರ್ಷದ ಫೆಬ್ರವರಿಯಲ್ಲಿ ಜುಲಿಯನ್‌ ವಲೇರಿ ಗೆ ಮದುವೆ ಪ್ರೊಪೋಸಲ್‌ ಮಾಡಿದ್ದಾರೆ. ಅದಕ್ಕೆ ವಿಲೇರಿ ಪ್ರೀತಿಯಿಂದ ಒಪ್ಪಿದ್ದಾರೆ ಕೂಡ.

ಅದರಂತೆ ಇವರಿಬ್ಬರು ಮೇ 19ರಂದು ತಾವು ಮೊದಲು ಭೇಟಿಯಾಗಿದ್ದ ಚರ್ಚ್‌ನಲ್ಲೇ, ಗೆಳೆಯರು ಮತ್ತು ಕುಟುಂಬಸ್ಥರ ಸಮ್ಮುಖದಲ್ಲಿ ವಿವಾಹ ಮಾಡಿಕೊಂಡಿದ್ದಾರೆ.