ಅಂಕಿತಾ-ಪ್ರಾರ್ಥನಾ ಕ್ವಾರ್ಟರ್‌ ಫೈನಲ್‌ಗೆ

ಬೆಂಗಳೂರು: ಇಲ್ಲಿನ ಕೆಎಸ್‌ಎಲ್‌ಟಿಎ ಅಂಕಣದಲ್ಲಿ ನಡೆಯುತ್ತಿರುವ ಐಟಿಎಫ್ ಮಹಿಳಾ ಓಪನ್‌ ಟೆನಿಸ್‌ನಲ್ಲಿ ಅಂಕಿತಾ ರೈನಾ-ಪ್ರಾರ್ಥನಾ ಥೋಂಬರೆ ಜೋಡಿ ಡಬಲ್ಸ್‌ ವಿಭಾಗದ ಕ್ವಾರ್ಟರ್‌ ಫೈನಲ್‌ಗೇರಿದೆ. 2ನೇ ಶ್ರೇಯಾಂಕಿತ ಅಂಕಿತಾ-ಪ್ರಾರ್ಥನಾ, ವೈಲ್ಡ್‌ ಕಾರ್ಡ್‌ ಮೂಲಕ ಪ್ರವೇಶ ಪಡೆದಿದ್ದ ಇಂಡೋ-ಜರ್ಮನ್‌ ಜೋಡಿ ಶರ್ಮದಾ ಬಾಲು-ಸಾರಾ ರೆಬೆಕ್ಕಾ ಸೆಕುಲಿಕ್‌ ಅವರನ್ನು 5-7, 6-3, 10-6ರಿಂದ ಮಣಿಸಿತು.

3ನೇ ಶ್ರೇಯಾಂಕಿತ ಋತುಜಾ ಭೋಂಸ್ಲೆ-ಸ್ವೀಡನ್ನಿನ ಜಾಕ್ವೆಲಿನ್‌ ಅವದ್‌ ಜೋಡಿ ಕೂಡ ಕ್ವಾರ್ಟರ್‌ ಫೈನಲ್‌ಗೇರಿದೆ. ಈ ಜೋಡಿ ಜಿ ಹೀ ಚಾಯಿ-ಲೀ ಯಾ  ಅವರನ್ನು 6-4, 6-2ರಿಂದ ಮಣಿಸಿತು.