ಇಟಲಿ-ನೆದರ್ಲೆಂಡ್ಸ್‌ ಕ್ವಾ.ಫೈನಲ್‌

ರೆನ್ನೆಸ್‌ (ಫ್ರಾನ್ಸ್‌): ವನಿತಾ ವಿಶ್ವಕಪ್‌ ಫ‌ುಟ್‌ಬಾಲ್‌ ಕ್ವಾರ್ಟರ್‌ ಫೈನಲ್‌ ಹಣಾಹಣಿಯಲ್ಲಿ ಇಟಲಿ ಮತ್ತು ನೆದರ್ಲೆಂಡ್ಸ್‌ ತಂಡಗಳು ಪರಸ್ಪರ ಸೆಣಸಲಿವೆ. ಈ ಪಂದ್ಯ ಶನಿವಾರ ನಡೆಯಲಿದೆ.

ಮಂಗಳವಾರ ರಾತ್ರಿ ನಡೆದ ಪ್ರಿ-ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಇಟಲಿ 2-0 ಅಂತರದಿಂದ ಚೀನವನ್ನು ಮಣಿಸಿತು. ಇನ್ನೊಂದು ಪಂದ್ಯದಲ್ಲಿ ನೆದರ್ಲೆಂಡ್ಸ್‌ 2-1 ಗೋಲುಗಳಿಂದ ಜಪಾನ್‌ಗೆ ಆಘಾತವಿಕ್ಕಿತು.

ಮೊದಲ ಕ್ವಾರ್ಟರ್‌ ಫೈನಲ್‌ ಗುರುವಾರ ನಡೆಯಲಿದ್ದು, ನಾರ್ವೆ-ಇಂಗ್ಲೆಂಡ್‌ ಎದುರಾಗಲಿವೆ. ಶುಕ್ರವಾರ ಫ್ರಾನ್ಸ್‌-ಅಮೆರಿಕ, ಶನಿವಾರದ 2ನೇ ಪಂದ್ಯದಲ್ಲಿ ಜರ್ಮನಿ-ಸ್ವೀಡನ್‌ ಮುಖಾಮುಖೀಯಾಗಲಿವೆ.