ಇಟಾಲಿಯನ್‌ ಟೆನಿಸ್‌: ಜೊಕೋಗೆ ಸೋಲುಣಿಸಿ ನಡಾಲ್‌ ಫೈನಲ್‌ಗೆ

ರೋಮ್‌: ಟೆನಿಸ್‌ನ ಇಬ್ಬರು ದಿಗ್ಗಜ ಆಟಗಾರರ ನಡುವಿನ ಕದನಕ್ಕೆ ಶನಿವಾರ ರೋಮ್‌ ಸಾಕ್ಷಿಯಾಯಿತು. ಸ್ಪೇನ್‌ನ ರಫೆಲ್‌ ನಡಾಲ್‌ ಹಾಗೂ ಸರ್ಬಿಯಾದ ನೊವಾಕ್‌ ಜೊಕೋವಿಕ್‌ ಅವರ ನಡುವಿನ ಮ್ಯಾರಥಾನ್‌ ಹೋರಾಟದಲ್ಲಿ ಅಂತಿಮವಾಗಿ ಮಾಜಿ ವಿಶ್ವ ನಂಬರ್‌ 1 ಜೊಕೋಗೆ 7-6 (4), 6-3 ಸೆಟ್‌ಗಳಿಂದ ಆಘಾತ ನೀಡಿದ ನಡಾಲ್‌ ಫೈನಲ್‌ ಪ್ರವೇಶಿಸಿದ್ದಾರೆ. 

ನಡಾಲ್‌ ಮತ್ತು ಜೊಕೋವಿಕ್‌ 2006ರ ಅನಂತರ ಇಷ್ಟರ ವರೆಗೆ 51 ಬಾರಿ ಮುಖಾಮುಖೀಯಾಗಿದ್ದು ಜೊಕೋವಿಕ್‌ 26 ಗೆಲುವು 25 ಸೋಲಿನ ದಾಖಲೆ ಹೊಂದಿದ್ದಾರೆ.