Italian Open: ನೊವಾಕ್‌ ಜೊಕೋವಿಕ್‌ಗೆ ಸೋಲಿನ ಆಘಾತ

ರೋಮ್‌: ಇಟಾಲಿಯನ್‌ ಓಪನ್‌ ಟೆನಿಸ್‌ ಪಂದ್ಯಾವಳಿಯಲ್ಲಿ ನೊವಾಕ್‌ ಜೊಕೋವಿಕ್‌ ಅವರು ರಫೆಲ್‌ ನಡಾಲ್‌ ಹಾದಿಯನ್ನು ಹಿಡಿದಿದ್ದಾರೆ. 3ನೇ ಸುತ್ತಿನಲ್ಲಿ ಸೋತು ಕೂಟದಿಂದ ಹೊರಬಿದ್ದಿದ್ದಾರೆ.

ಜೊಕೋವಿಕ್‌ ತಮ್ಮ ಮಾಸ್ಟರ್ 1000 ಪ್ರಶಸ್ತಿಯ ದಾಖಲೆಯನ್ನು 41ಕ್ಕೆ ವಿಸ್ತರಿಸುವ ಯೋಜನೆಯಲ್ಲಿದ್ದರು. ಆದರೆ ಚಿಲಿಯ ಅಲೆಕ್ಸಾಂಡ್ರೊ ಟ್ಯಾಬಿಲೊ ಇದಕ್ಕೆ ಅಡ್ಡಗಾಲಿಕ್ಕಿದರು. 32ನೇ ರ್‍ಯಾಂಕಿಂಗ್‌ ಆಟಗಾರನಾಗಿರುವ ಟ್ಯಾಬಿಲೊ 6-2, 6-3 ನೇರ ಸೆಟ್‌ಗಳಿಂದ ಜೊಕೋ ಆಟಕ್ಕೆ ತೆರೆ ಎಳೆ ದರು. ಇದು ಟಾಪ್‌-10 ಆಟಗಾರನ ವಿರುದ್ಧ ಟ್ಯಾಬಿಲೊ ಸಾಧಿಸಿದ ಮೊದಲ ಗೆಲುವು.

ಜೊಕೋಗೆ ಎದುರಾದ ಈ ಸೋಲು ಮುಂಬರುವ ಫ್ರೆಂಚ್‌ ಓಪನ್‌ ತಯಾರಿಗೆ ಹಿನ್ನಡೆಯಾಗಿದೆ. ಆದರೆ ಪ್ಯಾರಿಸ್‌ನಲ್ಲಿ ವಿಶ್ವದ ನಂ. 2 ಆಟಗಾರ ಜಾನಿಕ್‌ ಸಿನ್ನರ್‌, ನಂ.3 ಟೆನಿಸಿಗ ಕಾರ್ಲೋಸ್‌ ಅಲ್ಕರಾಜ್‌ ಆಡದಿರುವುದು ಹಾಲಿ ಚಾಂಪಿಯನ್‌ ಜೊಕೋ ಮಾರ್ಗವನ್ನು ಸುಗಮ ಗೊಳಿಸಬಹುದು.