ಅನ್ನದಾತರ ಕೈಬೀಸಿ ಕರೆಯುತ್ತಿದೆ ಸುತ್ತೂರಿನ ಕೃಷಿ ಮೇಳ

ನಂಜನಗೂಡು: ಎಲ್ಲಿ ನೋಡಿದರು ಹಸಿರಿನ ಕೃಷಿ ಸೊಪ್ಪು, ತರಕಾರಿ, ತೆಂಗು, ಬಾಳೆ, ಏಕದಳ ದ್ವಿದಳ ಧಾನ್ಯಗಳು, ಎಣ್ಣೆಕಾಳು, ಔಷಧಿ ಸಸ್ಯಗಳ ಬೆಳೆಗಳೊಂದಿಗೆ ಕುರಿ, ಕೋಳಿ, ಮೊಲ, ಹಸು, ಕರುಗಳ ಸಾಕಾಣಿಕೆಗಳ ಮಧ್ಯೆ ಸುತ್ತೂರಿನ ಕೃಷಿ ಮೇಳ ಜನಾಕರ್ಷಣೆಯ ಕೇಂದ್ರವಾಗಿ ಕೃಷಿಕರ ಕೈ ಬೀಸಿ ಕರೆಯುವ ಕೃಷಿಯ ಜಾnನ ಭಂಡಾರವಾಗಿದೆ.

ರಾಜ್ಯ ಹಾಗೂ ಕೇಂದ್ರ  ಸರ್ಕಾರದಿಂದ ಕೋಟ್ಯಂತರ ರೂ. ಬಳಸಿಕೊಳ್ಳುವ ನಮ್ಮ ಕೃಷಿ ವಿಶ್ವವಿದ್ಯಾಲಗಳು ನಾಚುವಂತಹ ಕೃಷಿ ಮೇಳ ತಾಲೂಕಿನ ಸುತ್ತೂರು ಜಾತ್ರೆಯದ್ದಾಗಿದೆ. ಕೃಷಿ ವಿವಿಗಳು ಹಿಂಗಾರು ಮುಂಗಾರು ಬೆಳೆಗಳನ್ನಾಧರಿಸಿ ಕೃಷಿ ಮೇಳವನ್ನಾಚರಿಸಿದರೆ ಕಾಲದ ಪರಿವೆ ಇಲ್ಲದೆ ಸುಮಾರು 162 ಬೆಳೆಗಳನ್ನು ಸ್ವತಃ ಬೆಳದು ಅದರ ಫ‌ಲವನ್ನೂ ತೋರುತ್ತಿರುವ ಈ ಕೃಷಿ ಮೇಳ ದಲ್ಲಿ ಏನುಂಟು ಏನಿಲ್ಲ ಎಂಬುದನ್ನು ಸ್ವತಃ ಪ್ರೇಕ್ಷಕ ನೋಡಿಯೇ ತಿಳಿಯಬೇಕಾಗಿದೆ.

ಕೃಷಿಕರಿಗೆ ಆಶಾದಾಯಕ: ಜಾತ್ರೆಗೆ ಆಗಮಿಸಿದ ಕೃಷಿಕರು ಮೇಳದ ಉದ್ದೇಶವನ್ನು ಅರಿತುಕೊಂಡಲ್ಲಿ ಇದು ಅವರ ಪಾಲಿಗೆ ಖಂಡಿತವಾಗಿಯೂ ವರವಾಗಬಲ್ಲದು. ವ್ಯವಸಾಯ ಲಾಭದಾಯಕವಲ್ಲ ಎಂಬ ಮನೋಭಾವದ ರೈತರು ಕೃಷಿ ಮೇಳವನ್ನು ಹೊಕ್ಕು ಹೊರಬರುವ ವೇಳೆಗೆ ತಮ್ಮ ಮನೋಭಾವವನ್ನೇ ಬದಲಾಯಿಸಿಕೊಳ್ಳುವಂತಹ ವಾತಾವರಣವನ್ನು

ಜೆಎಸ್‌ಎಸ್‌ನ ಕೃಷಿ ವಿಜಾnನ ಕೇಂದ್ರ ಈ ಕೃಷಿ ಮೇಳದ ಮುಖಾಂತರ ಪ್ರಸ್ತುತ ಪಡಿಸಿದೆ. ಕೃಷಿಕರ ಪಾಲಿಗೆ ಬೇಕಾಗುವ ಬೀಜ ಹಾಗೂ ಸಂಸ್ಕರಣೆ, ಸಾವಯವ ಗೊಬ್ಬರ, ಹಸಿರೆಲೆ ಗೊಬ್ಬರ ಕೊಟ್ಟಿಗೆ ಗೋಬ್ಬರ್‌, ಎರೆ ಹುಳು ಸಾಕಾಣಿಕೆ ಕೃಷಿ ಹೊಂಡ ,ಡೇರಿ ಹೈನುಗಾರಿಕೆಗಳ ಸಿದ್ಧತೆ ಹಾಗೂ ಉಪಯೋಗಗಳನ್ನು ಇಲ್ಲಿ ತಿಳಿಸಲಾಗುತ್ತದೆ.

ಇದನ್ನು ನೋಡಿ ಮುಂದೆ ಹೋದರೆ ಸಣ್ಣ ಕೃಷಿಕರ ಪಾಲಿಗೆ ಆಶಾದಾಯಕವಾದ ಕೃಷಿ ಬ್ರಹ್ಮಾಂಡ ಎದುರುಗೊಳ್ಳುತ್ತದೆ. ಒಂದೇ ಎಕರೆಯಲ್ಲಿ ಏನೆಲ್ಲಾ ಬೆಳೆಯಬಹುದು ಎಂಬುದು ಕೆವಿಕೆಯ ಅಧಿಕಾರಿ ಅರುಣ ಬಾಳಮಟ್ಟಿ ತೋರಿಸಿ ಕೊಡುತ್ತಾರೆ. ಒಂದೇ ಎಕರೆಯಲ್ಲಿ 98 ಬೆಳೆಗಳನ್ನು ಬೆಳೆದು ತೋರುವ ಪ್ರಾತ್ಯಕ್ಷಿತೆ ಈ ಬಾರಿಯ ಕೃಷಿ ಬ್ರಹ್ಮಾಂಡದ ಹೆಗ್ಗಳಿಕೆಯಾಗಿದೆ.  

ಕೇವಲ 15 ರಿಂದ 20 ಸಾವಿರ ರೂ.ಖರ್ಚು ಮಾಡಿ ಮನುಷ್ಯನಿಗೆ ಬೇಕಾಗಬಹುದಾದ 98 ಬೆಳೆಗಳನ್ನು ಬೆಳೆದು ಇಲ್ಲಿ ತೋರಲಾಗಿದೆ. ಈ ಪಾಟಿ ಬೆಳೆಗಳನ್ನು ಬೆಳೆಯುವುದರ ಮುಖಾಂತರ ರೈತ ಸ್ವಾವಲಂಬಿಯಾಗಿ ಸುಖ ಸಂಸಾರವನ್ನು ಸಂಬಾಳಿಸಬಹುದಾದ ದಾರಿಯನ್ನು ಕೆವಿಕೆ ಇಲ್ಲಿ ತೋರುತ್ತಿದೆ. 

ಕಡಿಮೆ ನೀರು ಅಧಿಕ ಬೆಳೆ: ಇದು ಈ ಬಾರಿಯ ಕೃಷಿ ಮೇಳದ ಆದ್ಯತೆಯಾಗಿದ್ದು, ಬೆಳೆಗಳ ಸಿದ್ಧತೆಯನ್ನು ಮಾತ್ರ ನೋಡಬಹುದಾಗಿದ್ದ, ಈ ವರೆಗಿನ ಜಾತ್ರೆಯ ಪದ್ಧತಿಯನ್ನು ಬದಲಾಯಿಸಿದ ಜಾತ್ರೋತ್ಸವ ಸಮಿತಿ ಈ ಬಾರಿ ಅಕ್ಟೋಬರ್‌ ಮೊದಲ ವಾರದಲ್ಲೇ ಸೂತ್ತೂರು ಜಾತ್ರಾ

ಕೃಷಿ ಮೇಳದ ಸಿದ್ಧತೆಯನ್ನು  ಆರಂಭಿಸಿದ ಹಿನ್ನೆಲೆಯಲ್ಲಿ ಈಗ ವಿವಿಧ ತರಕಾರಿ ಬೆಳೆಗಳು ಬೆಳೆದು ನಿಂತಿದ್ದು, ಅದರ ಸೋಭಗು ನೋಡುಗರ ಸೆಳೆಯುತ್ತಿದೆ. ಈ ಬಾರಿ ಬೆಳೆದಿರುವ ಭಾರಿ ಗಾತ್ರದ ಹಾಗಲ ಕಾಯಿ, ಹೀರೆ ಕಾಯಿ, ಸೊರೆ , ಪಡವಲ, ಕರಿ ಕುಂಬಳ ಮುಂತಾದ ತರಕಾರಿಗಳು ಪ್ರೇಕ್ಷಕರ ಮನ ಸೆಳೆಯುತ್ತಿದೆ.

ಸಿರಿಧಾನ್ಯಕ್ಕೆ ಒತ್ತು: ಅನಾರೋಗ್ಯ ಪೀಡಿತ ಜನತೆ ಇತ್ತೀಚಿಗೆ ಸಿರಿ ಧಾನ್ಯಕ್ಕೆ ಮೊರೆ ಹೊಗುತ್ತಿರುವದನ್ನು ಗಮನಿಸಿದ ಜಾತ್ರಾ ಸಮಿತಿ ಈ ಬಾರಿ ಶಿರಿಧಾನ್ಯಕ್ಕೆ ಹೆಚ್ಚು ಒತ್ತು ನೀಡಿರುವದನ್ನು ಇಲ್ಲಿ ಕಾಣಬಹುದು. ಅತ್ಯಂತ ಕಡಿ ಮೇ ನೀರು ಪಡೆದು ಅತ್ಯತ್ತಮ ಆರೋಗ್ಯ ನೀಡುವ ಸಿರಿ ಧಾನ್ಯಗಳಾದ ಸಾಮೆ ನವಣೆ ಸಜ್ಜೆ ಬರಗು,

ಹಾರಕ ಊದಲು ಇವುಗಳ ಪ್ರಾತ್ಯಕ್ಷತೆಯ ಜೊತೆಗೆ ಯುವ ಜನತೆಯನ್ನು ದಾರಿತಪ್ಪಿಸುತ್ತಿರುವ ಜಂಕ್‌ ಫ‌ುಡ್‌ ಗಳಿಂದ ಮತ್ತೆ ಸ್ವದೇಶಿ ಆಹಾರದತ್ತ ಮುಖ ತಿರುಗಿಸುವ ಪ್ರಯತ್ನ ಸಹ ಇಲ್ಲಿ ಸಾಗಿದೆ. ಅದಕ್ಕಾಗಿಯೇ ಈ ಬಾರಿ ಶುಚಿ ರುಚಿಯಾದ ಸಿರಿಧಾನ್ಯಗಳ ಆಹಾರವನ್ನು ಸ್ಥಳದಲ್ಲೇ ಸಿದ್ಧಪಡಿಸಿ ನೀಡುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. 

ಮಾರಾಟಕ್ಕೂ ಅವಕಾಶ: ಕೃಷಿ ಉತ್ಪಾದನೆಯ ಜೊತೆ ಮಾರಾಟಕ್ಕೂ ಈ ಬಾರಿ ಅವಕಾಶ ನೀಡಲಾಗಿದ್ದು, ಅದಕ್ಕಾಗಿಯೇ ಈ ಬಾರಿ 20 ಕ್ಕೂ ಹೆಚ್ಚು ಕೃಷಿ ಉತ್ಪನ್ನ ಮಾರಾಟ ಮಳಿಗೆ ತೆರೆಯಲಾಗಿದೆ. ಒಟ್ಟಾರೆ ಕೃಷಿ ವಿಭಾಗಕ್ಕೊಂದಕ್ಕೇ 140  ಕ್ಕೂ  ಮಳಿಗೆಗಳು 
ಮೀಸಲಾಗಿರುವುದು ಈ ಬಾರಿಯ ಸೂತ್ತೂರಿನ ಕೃಷಿ ಮೇಳದ ಹೆಗ್ಗಳಿಕೆಯಾಗಿದೆ. 

* ಶ್ರೀಧರ್‌ ಆರ್‌ ಭಟ್‌