ಹರ ಹರ ಮಹಾದೇವ ಕಡೆ ಸಂಚಿಕೆ

ಪೌರಾಣಿಕ  ಧಾರಾವಾಹಿ “ಹರ ಹರ ಮಹಾದೇವ’ ಇದೇ ಜನವರಿ 13ರಂದು ತನ್ನ ಮುಕ್ತಾಯ ಕಾಣುತ್ತಿದೆ. 416 ಕಂತುಗಳ ಈ ಮೆಗಾ ಧಾರಾವಾಹಿ ಶಿವನ ಅಪಾರ ಮಹಿಮೆ ಹಾಗೂ ಜೀವನಚಿತ್ರವನ್ನು ಪ್ರೇಕ್ಷಕರಿಗೆ ಕಟ್ಟಿ ಕೊಟ್ಟಿತ್ತು.

ಸತಿ ಮಹಾದೇವರ ಪ್ರೇಮ ಪ್ರಸಂಗದಿಂದ ಶುರುವಾಗಿದ್ದ ಧಾರಾವಾಹಿ ಮಹಾದೇವನ “ಮಾರ್ತಾಂಡ’ ಅವತಾರದಿಂದ ಮಲ್ಲ ಮಣಿ ಎಂಬ ದುಷ್ಟ ಅಘೋರರ ಅಂತ್ಯ ಹಾಗು ಮಹಲ್ಸಳಾಗಿ ಅವತಾರವೆತ್ತಿದ ಪಾರ್ವತಿಯ ಜೊತೆ ವಿವಾಹವಾಗುವುದರ ರೋಚಕ ಸನ್ನಿವೇಶಗಳಿಂದ ಅಂತ್ಯಗೊಳ್ಳಲಿದೆ. ವಿನಯ್‌ ಗೌಡ ಮತ್ತು ಸಂಗೀತ ಅವರು ಶಿವ ಪಾರ್ವತಿಯರಾಗಿ ಕಾಣಿಸಿಕೊಂಡಿದ್ದ ಈ ಧಾರಾವಾಹಿ ಬಹುತಾರಾಗಣ ಮತ್ತು ಗುಣಮಟ್ಟದ ಗ್ರಾಫಿಕ್ಸ್‌ ಬಳಕೆಗಾಗಿ ಹೆಸರು ಮಾಡಿತ್ತು. 

ಚಾನೆಲ್‌: ಸ್ಟಾರ್‌ ಸುವರ್ಣ
ಯಾವಾಗ?: ಜನವರಿ 13, ರಾತ್ರಿ 7.30