CT Ravi: ದೇಗುಲದಂತೆ ವಕ್ಫ್ ಮಂಡಳಿ ಆಸ್ತಿಯೂ ಸರಕಾರದ್ದಲ್ಲವೇ

ಚಿಕ್ಕಮಗಳೂರು: ದೇವಸ್ಥಾನದ ಆಸ್ತಿ ಸರಕಾರದ್ದು ಎನ್ನುವುದಾದರೆ ವಕ್ಫ್ ಮಂಡಳಿ ಆಸ್ತಿಯೂ ಸರಕಾರದ್ದೇ ಅಲ್ಲವೇ ಎಂದು ವಿಧಾನ ಪರಿಷತ್‌ ಸದಸ್ಯ ಸಿ.ಟಿ. ರವಿ ಪ್ರಶ್ನಿಸಿದರು.

ಸುದ್ದಿಗಾರರ ಜತೆ ಮಾತನಾಡಿ, ವಕ್ಫ್ ಆಸ್ತಿಯೆಂದು ಪರಿಗಣಿಸಲು ದಾನ ನೀಡಿರಬೇಕು, ಖರೀದಿ ಮಾಡಿರಬೇಕು, ಇಲ್ಲವೇ ಮಂಜೂರಾಗಿರಬೇಕು. ಆದರೆ ಸಂವಿಧಾನಬಾಹಿರ ಅಕ್ರಮಗಳನ್ನು ನಡೆಸಲು ಅವಕಾಶ ನೀಡಬೇಕೆ? ಅಕ್ರಮ ತಡೆಯಲು ವಕ್ಫ್ ಮಸೂದೆಗೆ ತಿದ್ದುಪಡಿ ತರುತ್ತಿರುವುದು ಎಂದರು.

ಹಿಂದೂ ದೇವರಿಗೊಂದು ಕಾಯ್ದೆ, ಮುಸ್ಲಿಂ ದೇವರಿಗೊಂದು ಕಾಯ್ದೆಯೇ? ಇದನ್ನು ಜಾತ್ಯತೀತ ಎನ್ನಲು ಸಾಧ್ಯವೇ? ಸಂವಿಧಾನದ ಆಶಯದಂತೆ ಕಾಯ್ದೆಗೆ ತಿದ್ದುಪಡಿಯಾಗುತ್ತಿದೆ ಎಂದು ತಿಳಿಸಿದರು.