ಒಂದೂವರೆ ಲಕ್ಷ ಜನರ ಸಾವು ಆತಂಕಕಾರಿಯಲ್ಲವೇ?

ನವದೆಹಲಿ: ‘ಒಂದೂವರೆ ಲಕ್ಷ ಜನರ ಸಾವು ನಿಮ್ಮಲ್ಲಿ ಕಳವಳ ತರುವುದಿಲ್ಲವೇ? ಮೋಟಾರು ವಾಹನ ಕಾಯ್ದೆಯಡಿ ಹೆಚ್ಚಿನ ದಂಡ ವಿಧಿಸಿರುವುದು ದೇಶದಲ್ಲಿ ಅಪಘಾತಗಳ ಸಂಖ್ಯೆ ಕಡಿಮೆ ಮಾಡಬೇಕೆಂದೇ ಹೊರತು ಆದಾಯಗಳಿಸುವ ಉದ್ದೇಶದಿಂದಲ್ಲ.’ ಹೀಗೆಂದು ಹೊಸ ಸಂಚಾರಿ ನಿಯಮಗಳನ್ನು ಸಮರ್ಥಿಸಿಕೊಂಡಿರುವುದು ಕೇಂದ್ರ ಸಾರಿಗೆ ಸಚಿವ ನಿತಿನ್‌ ಗಡ್ಕರಿ.

ಬುಧವಾರ ನವದೆಹಲಿಯಲ್ಲಿ ಮಾತನಾಡಿದ ಅವರು, ‘ಜೀವಕ್ಕಿಂತಲೂ ಹಣ ಹೆಚ್ಚೇ? ಇಂಥ ಭಯ ಹುಟ್ಟಿದರಷ್ಟೇ ಜನರು ಕಾನೂನು ಪಾಲಿಸುತ್ತಾರೆ. ದೇಶದಲ್ಲಿರುವ ಶೇ.30ರಷ್ಟು ಚಾಲನಾ ಪರವಾನಗಿಗಳು ನಕಲಿಯಾಗಿವೆ. ಜನರು ಅಪಘಾತಗಳಿಂದ ಸಾಯುತ್ತಿದ್ದಾರೆ. ಇದೇ ಕಾರಣಕ್ಕಾಗಿ, ಕಠಿಣ ಕಾನೂನುಗಳನ್ನು ಜಾರಿ ಮಾಡಲಾಗಿದೆ’ ಎಂದು ಸಚಿವ ನಿತಿನ್‌ ಗಡ್ಕರಿ ಹೇಳಿದ್ದಾರೆ.