ಐಸಿಸ್‌ ಬೆದರಿಕೆ ಹಿನ್ನೆಲೆ: ಯುಕೆ ತರಬೇತಿಗೆ ಮನವಿ

ನವದೆಹಲಿ: ಉಗ್ರರ ವಿರುದ್ಧದ ಹೋರಾಟಕ್ಕಾಗಿಯೇ ರೂಪುಗೊಂಡಿರುವ ರಾಷ್ಟ್ರೀಯ ಭದ್ರತಾ ಪಡೆ(ಎನ್‌ಎಸ್‌ಜಿ),  ತನ್ನ ಕಮಾಂಡೋಗಳಿಗೆ ಯೂರೋಪ್‌ನಲ್ಲಿ ತರಬೇತಿ ಪಡೆಯಲು ಅವಕಾಶ ನೀಡುವಂತೆ ಕೇಂದ್ರ ಗೃಹ ಇಲಾಖೆಯನ್ನು ಕೋರಿದೆ. 

ತ್ರಿಶೂರ್‌ನ ಪೂವಂ, ಕುಂಭ ಮೇಳ ಸೇರಿ ಹಿಂದೂ ಧಾರ್ಮಿಕ ಕ್ಷೇತ್ರಗಳ ಮೇಲೆ ದಾಳಿ ನಡೆಸುವಂತೆ ಕೇರಳದ ಮುಸ್ಲಿಮರಿಗೆ ಐಸಿಸ್‌ ಕರೆ ನೀಡಿದ ಬೆನ್ನಲ್ಲೇ ಎನ್‌ಎಸ್‌ಜಿಯ ಈ ಕೋರಿಕೆ ಕುತೂಹಲ ಕೆರಳಿ ಸಿದೆ. ಬೆಲ್ಜಿಯಂ, ಯುಕೆ ದೇಶಗಳು ಇತ್ತೀಚೆಗೆ ಐಸಿಸ್‌ ದಾಳಿಗೆ ತುತ್ತಾಗಿದ್ದು ಅಲ್ಲಿನ ಪೊಲೀಸರು, ಭದ್ರತಾ ಏಜೆನ್ಸಿ ಗಳು ಕೈಗೊಂಡ ಕ್ರಮಗಳು, ಪರಿಸ್ಥಿತಿಗಳನ್ನು ಎದುರಿಸಿದ ರೀತಿಗಳನ್ನು ಅರಿಯಲು ಅನುಕೂಲವಾಗುವಂತೆ ತನ್ನ ಕಮಾಂಡೋಗಳಿಗೆ ತರಬೇತಿಗೆ ಕಳುಹಿಸಲು ಕೋರಿದೆ.